AAAHHHHAAAHHHAA

AAAHHHHAAAHH HA HH HAAAA.HÍ HÍ .. .... Hef ekki séð það hallærislegra, jú ég er að horfa á leitina að íslenska piparsveininum.
Það þarf enginn að segja mér að 500 umsóknir hafi borist í þennan þátt. Kynnirinn er hræðilegur, situr eins og jólasveinn við arineld, spyr væminna spurninga og uppsker væmnari svör. Innskot frá sjónvarpsstjóra- "Í þættinum verða ekta tilfinningar, þetta er raunveruleikinn". Röddin sem kynnir stúlkurnar(ég er ekki viss hvort það er röddin hans sveinka) hljómar eins og hún sé að lesa jólasveinasögur fyrir leiksskólabörn.
... Röddin;Hún er mikil mömmustelpa, gædd andlegu jafnaðargeði, Gunnfríður er stundum kölluð Gunnsa af vinum sínum og kann að þaga yfir leydarmálum. Katla er mjög opin og fyrir vikið finnst mörgum hún mjög skrítin... Erla er opin, klár og metnaðarfull með fágaða framkomu.....................
Til að toppa allt þá sýnir einn piparsveinkinn uppáháldsbangsann sinn.
Og samt horfi ég.

Svo mörg orð

Ég á til svo mörg orð til að lýsa undrun minni á hinu svokallaða Baugsmáli að ég ákvað að gera ekki upp á milli þeirra. Ég mun því láta kyrrt liggja.
En mikið andskoti eru fréttirnar nú spennandi á svona tímum. Hann pabbi er með kveikt á sjónvarpinu og útvarpinu og ég hef helstu netmiðlana uppi til að missa örugglega ekki af neinu.
Svo er bara að muna eftir listinni að efast þangað til staðreyndir liggja fyrir.

Launin í lekandalandi

Ætli Ísland verði bráðum kortlagt sem Lekandalandið? Kynsjúkdómurinn herjar nú á borgarbúa og varla líður langt þangað til dropa fer úr landsbyggðarfólki.
Tilvonandi leikskólakennurum er bent á að sækja um í Ræsinu, það er mun betur borgað og engrar menntunar er krafist. Hvernig útskýrir Reykjarvíkurborg þennan launamun???
Svo eru það litlu stelpurnar í Framsóknarflokknum sem halda leynifundi út á landi og ulla hvor á aðra.
Þetta er skrítið samfélag.

Stelpurnar

Mér finnst Ilmur Kristjánsdóttir frábær í stelpunum sem stöð 2 hefur nýlega tekið til sýninga. Sannar að hún er í framhópi íslenskra leikara. Það liggur við að ég fyllist stolti yfir að vera MHingur. Semsagt Stelpurnar lofa góðu.
Annars var ég að fletta yfir M tímarrit Morgunblaðsins sem er fylgirit um mat og ýmsar kúnstir þar í kring. Varð starsýnt á mynd af KartöfluTERTU. Fer þetta tvennt saman, kartöflur með þeittum rjóma? Viðbjóður! Er reyndar frekar duttlungafull þegar kemur að samsetningu matar og drykkja. Til að mynda á ekki súpa mat, borða því ekki súpur. Get ekki drukkið ávaxtasafa með brauði, verður að vera mjólk, kakó, eða kók/vatn með heitum samlokum. Að ógleymdri fiskifælni sem vonandi varir ekki að eilífu. Krabbakjöt, hörpuskel, rækjur, humar, jafnvel Ýsa er erfið. Túnfiskur sleppur.
Borðaði með systkinum og frændsystkinum á veitingastað um daginn. Dóra frænka fékk sér Pizzu, nema hvað til hliðar setti hún Hunts tómatssósu sem pizzunni var síðan dýpt í. Þetta gera líka systkini hennar, jamm misjafnir eru siðir manna.
Svo er skólinn byrjaður og ég á í stökustu vandræðum með að skipta yfir í lesgírinn, vildi að ég væri sjálfsskipt. Jæja lernen, lernen immer lernen.