skottuskrif

Framsetning Frétta Framhald

2007-02-21T13:44:00.000-08:00

MBL
Bifreið rakst á ljósastaur.
Lögregla segir að ein bifreið hafi ekið á ljósastaur og að hún hafi verið í kappakstri við aðra bifreið þegar áreksturinn varð.

= Ökumaður keyrði á ljósastaur þegar hann var í kappakstri( við ökumann annarar bifreiðar)

Ok er hætt núna.

Samráð

2007-02-20T13:42:00.000-08:00

Í fréttum er þetta helst:
Fjármálaráðherra harmar "mistök" Símans og Landsvirkjunar í tengslum við ólögmætt samráð(myndbrot af húsum fyrirtækjanna).

Oh þessi fyrirtæki, alltaf að gera einhverja bölvaða vitleysu!

Það er bara eins og menn komi ekkert við sögu, fyrirtækin stjórni sér sjálf og húsnæðin hafi séð um plottið.

Lesbókin

2007-02-17T07:16:00.000-08:00

Ég elska krossgátur, sérstaklega laugardagsgátu mbl. Nema hvað eins og kunnugir vita eru birt ljóð neðst á hægri horni síðunnar, oft skemmtileg.
Ljóð dagsins í dag heitir "Ég stytti mér leið fram hjá Einari Má"

Í sturtunni í karlaklefa Grafarvogslaugar
eru þrír rithöfundar að baða sig án sundfata.

Ég stytti mér leið fram hjá Einari Má
og sprauta grænni sápu úr stálröri
í lófa hægri handar.

Stefán Máni

( höfundur liggur í flensu)

Mitt mat; höfundur á að leigja sér DVD næst þegar hann verður veikur.

Ein spurning

2007-02-07T07:15:00.000-08:00

Geta félagsvísindi beitt sömu aðferðum og náttúruvísindi til að öðlast"réttmæta" þekkingu á félagsheimnum?

Er ég orðin svo gömul..

2007-02-06T01:09:00.000-08:00

..... að tíska æskunar standi ofar skilningi mínum á klæðaburði?
Eru náttbuxur á miðjum degi nýjasta trendið, eða nennti unglingspilturinn sem ég mætti á hitaveitustokknum ekki klæða sig? Hann sá að mér varð starsýnt á buxurnar og brosti bara út í annað:-)
Get svo sem lítið sagt, var fullgildur meðlimur kúkalabbatískunnar og virkur þátttakandi í þeirri iðju að klippa upp í buxur. Hvílík hörmung og þá sérstaklega fyrir foreldrana að horfa upp á barnið sitt tæta í sundur glænýjan Levis. Athöfnin var ofar þeirra skilningi.
Í öllu falli þá voru náttbuxur drengsins bæði flottar og snyrtilegar, bláköflóttar ala Jói Boxari.
Getum við gamla fólkið ekki tekið upp þessa tísku, svo notó að vera í náttfötum:-)

Ógleði

2007-01-22T04:07:00.000-08:00

Ég fann til mikillar ógleði eftir Kompásþáttinn í gær. Hélt maðurinn virkilega að hann gæti afsakað framferði sitt með þeim rökum að móðir hans væri veik og að hann væri þunglyndur. Vel má vera að í einhverjum undarlegum tilfellum sé barnagirnd "afleiðing" þunglyndis , en veik móðir??
Annað sem ég hjó eftir í þessum þætti var umræðan um sálfræðileg próf. Ágúst sagði berort að hann hefði svarað spurningalistanum með það í huga að komast inn á Sogn í stað þess að fara í fangelsi. Hann vildi semsagt vera talin "geðveikur" glæpamaður til þess eins að komast hjá vel þekktum móttökum samfanga. Eftir slíkar staðhæfingar getur maður ekki annað en efast um réttmæti sálfræðilegra prófa. Eru prófin að mæla eitthvað annað en það sem svarandi vill að þau mæli?
Ekki misskilja þessar pælingar, ég er á þeirri skoðun að í tilfellum sem þessum sé einstaklingur mikið brenglaður. En að maður sem á að baki sér yfir 20 ára sögu um barnamisnotkun skuli ganga laus, get ég ekki skilið.
Þess má geta að Woodsman var sýnd á bíórásinni eftir þáttinn í gær. Hef áður tala um þá mynd enda setti hún mig í siðferðislega kemmu. Myndin fjallar um barnaníðing og átök hans við sjálfan sig og ég fór actually að vorkenna honnum, VORKENNA BARNANÍÐING! Eins og fram kom í Kompás í gær þá finnst þessum mönnum ekkert endilega að þeir séu að gera eitthvað rangt, telja jafnvel að barnið vilji athæfið, hafi beðið um það með augnaráðinu eða eitthvað álíka. Ég meina hver getur ekki vorkennt mönnum fyrir að hafa svo ógeðfelldar hvatir.
Ætla ekki ítarlega ofan í myndina en hvet sem flesta til að horfa á hana.
Later.

Tíðindi dagsins.

2007-01-18T10:47:00.000-08:00

Kona býður sig fram sem formaður Knattspyrnusambands Íslands.
Ég vona að á næstu árum verði slíkar fregnir ekkert tiltökumál.
Koma svo Halla!

Mig langar svo mig langar svo

2007-01-16T07:15:00.000-08:00

Mig langar á snjóbretti...... á Ítalíu
Mig langar að læra golf....... á Flórída
Mig langar að dansa............ á Kúbu
Mig langar að hugleiða....... Í Kína
Mig langar í leikhús............ Í London
Mig langar á brimbretti..... Í Ástralíu
Mig langar að djamma....... Í New York
Mig langar á listasöfn......... Í París

Mig langar að spóla yfir Janúar og Febrúar, eitthvað svo sorglegt við þessa mánuði. Kannski ég kaupi lottómiða til að lífga upp á tilveruna og hugsanlega hafa efni á ofantöldu.
Jæja best að hætta þessum dagdraumum og gera eitthvað af viti.

Svona að lokum, hver skýrir húsið sitt Sogablettur???

Velkomin í NÚIÐ

2007-01-10T06:29:00.000-08:00

Í DAG

Dagurinn í dag
er dagurinn þinn,
þú getur gert við hann
hvað sem þú vilt.

Gærdaginn áttir þú,
honum getur þú ekki breytt.
Um morgundaginn veist þú
ekki neitt.

En daginn í dag átt þú.
Gef þú honum allt
sem þú megnar,
Svo einhver finni í kvöld
að það er gott að þú ert til.

Ake Rosenblad

Eftir að hafa lesið ágæta morgunblaðsgrein um mindfulness, undirstöðu visku og innsæis í búddískri heimspeki ákvað ég að breyta lífsháttum mínum(allavega gera tilraun;-)
Á góðri(?) íslensku kallast mindfulness árvekni eða gjörhygli og er að ryðja sér rúms í nútíma sálfræði. Dæmi um árvekni í daglegu lífi er að þjálfa sig í að veita athygli því sem er að gerast á hverju augnabliki. Fólk á að gera eitt í einu og einbeita sér að því, ekki hugsa um öll verkefni dagsins eða vikunnar meðan það tannburstar sig, borðar eða gengur. Í stað þess að flýta sér í daglega rútínu á fólk að hægja á sér og njóta sama hversu lítið sem það er.

Ég ætla lifa í núinu á nýju ári og njóta augnabliksins.

Nýtt ár

2007-01-02T12:54:00.000-08:00

Gleðilegt ár gott fólk.

Er hálf heiladauð eftir helgina en hamingjusöm í hjartanu. Á gamlák vaknaði ég brosandi eftir vel heppnað kvöld með vinum. EKKERT ÞUNN!!! Bröltandi á fætur áttaði ég mig hinsvegar á að ég var enn drukkin. Týndur sími og sárir ökklar, sígandi bros.
Átti samt yndislegt kvöld með fjölskyldunni. Góður matur, gott skaup og góðar bombur.
Góð helgi.

Gleðilega hátíð

2006-12-26T10:20:00.000-08:00

Eftir síðastu skrif leið mér eins og krakka sem skilur ekki boðskap jólanna. Þegar pistillinn(sem ég eyddi;-) var skrifaður var ég m.a að hugsa um atriði í Bridged Jones þegar Darcy klæddist rúdolfspeysu frá mömmu sinni. Sjálf hef ég aldrei fengið ljóta jólagjöf þannig að Já. Jæja best að rústa Mannsa í Trivial.
Later.

Jólabakstur og Babes

2006-12-16T04:18:00.000-08:00

Ef framboð karlmanna á íslenskum golfvöllum er jafn fagurt og í evrópsku mótaröðinni, þá eykst eftirspurnin hér með um 1. Er sérstaklega skotin í Suður Afríska sjarmanum Immelman, ummm.
Skil samt ekki hvernig atvinnumönnum tekst að slá kúluna út í runna, gerandi þetta allan daginn, ég meina how hard can it be?? Komandi frá manneskju sem kann ekki golf;-)

Annars gerði ég heiðarlega tilraun til að baka í vikunni. Vinkona mín skrifaði niður hráefnið af CafeSigrun.com. Eitthvað missást dömunni og útkoman varð ekki góð. Er einhver er svo góður að geta bent á villuna í uppskriftinni( sem ég gat auðvitað ekki enda glórulaus í hvað er mikið og lítið af X í bakstri) .

Kryddbrauð

3 dl spelti
2 dl ávaxtasykur
3 dl haframjöl
3 dl kakó
2 tsk bökunarsódi
1 tsk engifer
1 tsk kanill
1/2 tsk múskat
3,5 dl mjólk

Fékk alveg athugasemdir á borð við; fannst þér virkilega ekki skrítið að setja X af Y????
MMmmmm Nóbbs.

Leiðinlegasta húsverkið!

2006-12-11T11:31:00.000-08:00

Það er afar sjaldgæft að húsverk veiti fólki ánægju. Einu skiptin sem mér finnst MUNAÐUR að sópa gólfin er í próflestri. Hinsvegar er mismunandi hvað fólki finnst leiðinlegast, sumir þola ekki að þurrka af og öðrum hrís hugur við það eitt að horfa á straujárn. Sjálfri finnst mér ok að strauja, geri það oftast yfir fréttunum.

Var rétt í þessu að ljúka leiðinlegasta húsverki allra tíma(að mínu mati). ATH LEIÐINLEGASTA ekki ÓGEÐSLEGASTA, klósettburstun myndi toppa þann lista. Neibb, hér með fullyrði ég að rimlaþvottur slær öllum húsverkum við í leiðinlegheitum. Umrætt verk reynir verulega á helsta veikleika minn, þolinmæðina. Rimil fyrir Rimil, Rimil fyrir Rimil. Mætti ég þá biðja um að skúra nokkur gólf.

Come Back??

2006-12-09T07:46:00.000-08:00

Langa sumarfríinu lýkur kannski í jólafríinu;-) Eru ekki annars allir hressir????

Stuttur

2006-07-24T07:19:00.000-07:00

Víkverji Moggans var ansi spaugilegur í morgun. Sá kvartar yfir að á sólskynsdögum eins og síðastliðinn fimmtudag skuli fólki ekki verið gefið í frí í vinnunni. Slíkir dagar koma kannski einu sinni yfir sumarið. Víkverji heldur áfram og segir að á sólardegi sem þessum eigi fólk að vera úti með börnunum sínum, kaupa ís ogsfr.
Er víkverji ekki að gleyma starfsmönnum ísbúða og sundlauga. Hvað með starfsmenn matvöruverslana? Veit ekki með afganga gærdagsins á grillið.
Já, ef það væri bara hægt að gefa öllum frí.

Fer kannski að henda inn nokkrum stuttum.

bara varð

2006-07-23T10:58:00.000-07:00

Er í bloggpásu en bara þetta, annað hvort er brúðkaupsþátturinn Já orðin viðbj....... væmin eða ég verulega kaldlynd.

Játning

2006-07-09T03:45:00.000-07:00

Ástæðan fyrir bloggleysi síðustu daga er sú að ég er að læra á harmoniku og allur minn frítími fer í æfingar!!

Eða ekki.

Í hreinskilni þá nenni ég ekki að kveikja á tölvunni eftir vinnu. Er pínu fegin því á tíma hafði ég áhyggjur af nethangsinu, ofmikil tímasóun. Ætla samt að fylgjast áfram með ykkur hinum í laumi or not.
En svona af tilefni dagsins, vá var leikurinn góður í gær. Ég bókstaflega þoli ekki Ronaldo og allar hans tilfæringar á vellinu og fagnaði því ákaft sigri Þjóðverja. Mér er samt slétt sama hverjir fara með sigur úr bítum í dag en vona að leikurinn verði góður.

Að lokum vissuð þið að lengsta orð á íslensku er HÆSTARÉTTARMÁLAFLUTNINGSMAÐUR. Þar hafið þið það.

Tveggja vikna sumarfrí frá síðunni og sjá svo til.
Have a good day!
Svansí

Ég segi bara.....

2006-07-01T09:54:00.000-07:00

........ ÁFRAM ENGLAND,,, dú dú, dú, dú dú

Hljóðfæraleikarar

2006-06-18T11:58:00.000-07:00

Staðreynd 1;
Af 6 manna fjölskyldu er mamma sú eina sem hefur lært á hljóðfæri, píanó.
Staðreynd 2;
Á heimilinu eru til eftirfarandi hljóðfæri;

tveir kassagítarar
rafmagnsgítar
Píanó
hljómborð
bongó tromma
munnharpa
harmonika
hristidót 1, veit ekki hvað heitir
hristidót 2, veit ekki hvað heitir
hristidót 3, veit ekki hvað heitir

Fyrsta staðreyndin kemur ekki í veg fyrir að hljóðfærin eru óspart notuð. Bræður mínir og pabbi grípa í gítarana og virðast sérstaklega duglegir eftir þætti eins og Það var lagið og Idolið. Feðgarnir eru óneitanlega músíkalskir enda þarf talsvert tóneyra til að pikka upp lög á gítar. Með þeim tilfæringum eru raddböndin svo þanin!!
Ég á eitt hljóðfærið á listanum, hljómborðið. Fékk það í afmælisgjöf á þeim tíma þegar mini hljómborðin voru hvað vinsælustu, þau gáfu undirspil og lýstu upp aðalnóturnar. Sem betur fer var lagalistinn stuttur, fæ hroll þegar ég heyri lögin. Nema hvað þá fannst pabba dótið svaka skemmtilegt og þar sem ég sýndi hæfileika(kunni að pikka inn lögin eftir hundruði skipta) var mér gefið the real thing. Fannst alltaf eins og honum langaði meira í gripinn en mér, svona svipað og þegar Hómer gaf Marge keilukúlu merkta sjálfum sér í afmælisgjöf. Þessi kenning mín fékk byr undir báða þegar Hemmi fékk rafmagnsgítarinn í jólagjöf!
Til að gera langa sögu stutta var ég álíka hljómborðsleikari og Ross í Friends, nema ég vissi að dæmið var vonlaust, I SENSED IT;-) Því miður eru aðrir fjölskyldumeðlimir ekki eins næmir. Því spyr ég, þarf Það var lagið ekki sumarfrí eins og aðrir þættir???

CrazyLacy

2006-06-14T12:25:00.000-07:00

Er ég sú eina sem fyllist óyfirstíganlegri leti í svona veðri? Nenni ekki ræktina, legg ekki í göngu og hryllir við sundi. Langar mest að skríða upp í rúm með bók en það er júníkvöld og klukkan er hálf 8. Er á kafi í Kite runner, ágætis lesning sem maður lærir af. Fæ líka fríar DVD og spólur á safninu og þar sem kona kaupir inn myndirnar er úrvalið ólíkt því sem bræður mínir eiga, mikið af drama og rómantík, þið vitið. Oh trúi ekki að ég sé að tala um imbadót, en þetta er svona varaplan ef veðrið í dag reynist lýsandi fyrir sumarið. Annars hef ég ekkert á móti rigningu og roki ef það styttir upp um helgar.
jæja þá er bara Hm rúmið og ræktin í fyrramálið.

Vá

2006-06-13T12:30:00.000-07:00

Bara eitt orð um tónleikana í gær, frábærir. Flestir gestirnir voru á aldri við foreldra mína, gaman að sjá fólk á sextugsaldri syngjandi og dillandi sér með lokuð augun, þvílík innlifun;-) Við sem fórum vorum samt sammála um að það hefði mátt bjóða fólki að borga extra fyrir sæti, OG láta þá vita sem keyptu sér bjór 10 mínútur fyrir tónleika að það mætti ekki fara með hann inn á aðalsvæðin. Þegar á leið horfði ég öfundaraugum upp í stúku en þar sátu Glitnismenn í hægindum með BJÓRINN SINN. Jæja þetta er víst gjaldið fyrir að vera JUST a person.

So many books and the damn TV

2006-06-11T08:43:00.000-07:00

Til hamingju með daginn sjómenn og co, konur þeirra og börn fá líka kveðju enda örugglega erfitt að þurfa sjá á eftir ástvinum í langa túra. Vonandi að fólk skemmti sér við höfnina meðan ég kúri inni í rigningunni.
Átti einu sinni grjónastelpu sem á var skrifað So many men, so little time. Þetta vandamál tuskudræsunnar er ekki beint að plaga mig heldur fjöldi bóka sem mig langar að lesa, so many books. Einhleyp og barnlaus manneskjan á ekkert með að kvarta yfir tímaleysi, en nú þegar 6 bækur eru á náttborðinu upplifi ég einskonar tímaþröng. Ekki bætir úr að á hverjum degi sé ég svona 50 bækur sem ég ÆTLA að lesa í sumar, einmitt. Það kom mér reyndar á óvart hve mikið er að gera á safninu. Sjálf er ég duglegust í skáldsögunum á sumrin því þá eru þær ekki viðbót við skólalesturinn. En ég er að segja ykkur að fólk er að taka svona 10 og 20 bækur í einu, kannski horfir það aldrei á sjónvarp. Sem er annað mál, baráttan við imbann. Hef nefnilega komist að því hvað það er miklu skemmtilegra að verða sér úti um HEILU seríurnar og horfa á nokkra þætti í einu, shame on you Herms.
Annað sem kom mér óvart eru vinsældir rauðu seríunnar. Hef lesið nokkrar og gef þeim falleinkunn. Vinnufélagi sem er í bókmenntafræði sagði margar kenningar vera til um hversvegna konur leita í þessar sögur, gott ef það er ekki bara heill áfangi. Ég man ekki eftir að þær sögur sem ég las hafi skilið nokkurn skapaðan hlut eftir sig nema lýsingar á lendarþukli. Annars get ég lítið sagt hafandi horft á allar seríurnar af O.C á innan við mánuði;-)
Horfði á fantagóða mynd um daginn, The life of David Gale. Kevin Spacey frábær að vanda, svona eiga sögur vera.
Að lokum. Ef þið eruð orðin heilabiluð á HMglápi mæli ég með gátunni í Tímariti Morgunblaðsins. Þið munuð upplifa úber stolt ef þið getið eitthvað.
Hér eru dæmi sem ég gat(úber stolt);

Alltaf með sandi hjá spennandi= Æsandi
Lituð lemur ávöxt= bláber
Andi skolla er hegnandi= Refsandi
Herma kisur eftir öðrum dýrum= Apakettir
Ósvipaðar setja belti í kar= Ólíkar

Hér eru nokkur sem ég get ekki(úber pirruð)
Að slá varnagla vegna bókar á Ásprenti(7)=?
Hólma vaggi með líkamshluta fisks(7)=?
Bendla sívalningi við geymslustað fyrir þráð(11)=?

Later

sveitasvein

2006-06-05T10:19:00.000-07:00

Jæja þá er mans komin úr sveitinni. Brunaði upp í bústað með áform um hiking og afslappelsi í pottinum. Eitthvað sveigðist planið eftir veðrinu, lét mig þó hafa að fjúka aðeins áleiðis. Og þar sem heitapotturinn hitnaði ekki var í staðin kveikt upp í kamínu, spilað og lesið. Mikið finnst mér gott að komast út úr bænum, alveg endurnærist.
En svona til að taka þennan ljóðræna blæ af skrifunum þá verð ég að leggja fram kvörtun. Húsbílar, Fellihýsi eða hvað þetta nú heitir. Hvað er sameiginlegt með eigendum þessara farartækja? hmm látum okkur sjá, keyra á 60, ekki gefa merki um safe framúrakstur og alls ekki víkja þó röðin á bak við þig spanni 20 bíla! Smá alhæfing, sjálfsagt eru til bílsniglar sem taka tillit til annarra en þeir eru sjaldnast á sömu leið og ég.
Að lokum þá vill svo skemmtilega til að ég er einmitt byrjuð að vinna upp í sveit. Verð að taka svona til orða því ég hef alltaf kallað búsetu út fyrir 108, sveit. Verð semsagt í Foldasafni í sumar. Indælt starfsfólk, ekkert stress, bara bækur og til að setja súkkulaði á ísinn, frí ALLAR helgar. Það verður því lestur og landkönnun þetta sumarið.

Safnarar

2006-05-29T10:59:00.000-07:00

Var að velta fyrir mér kenningum um veiðieðli karla og söfnun kvenna. Það þekkja allir forsöguna um manninn á veiðum fjarri heimahögum og konuna sem safnaði jurtum og öðrum nytjum í nágrenninu. Sagan er gjarnan notuð til að útskýra mun sem finnst á atferli kynjanna. Konur eru áttavilltari því þær þurftu ekki rata til baka úr veiðiferðum , og þar sem auðveldara var að klöngrast með drasl fyrir horn en að draga það langar leiðir eru þær duglegri að sanka að sér hlutum. Karlar leggja upp með skýrari markmið, drepa bráð, meðan konur vita síður hvers þær leita og þreifa sig áfram. Fært til nútímans þá fara fáir karlmenn(ótilneyddir) í búðir að skoða, þeir fara til kaupa eitthvað ákveðið, skyrtu eða bindi, konur þurfa helst að koma við allar flíkurnar í búðinni. Ég man nú ekki alveg hvernig allar þessar kenningar hljómuðu en það er ljóst að einhver smá snúningur er í minni fjölskyldu. Til að mynda man ég ekki eftir að hafa safnað einhverju síðan ég var 8 ára. Þjóðarbrúður, servíettur og ilmvatnsprufur, punktur. Mamma safnar engu svo ég viti til og ekki systir mín heldur. Hér myndu sumir stoppa mig og segja að ég safnaði skóm, töskum, glingri og fötum. En ég lít ekki svo á að þetta séu safnmunir, ekki hendir fólk eða gefur reglulega af safninu sínu. Málið er að bræður mínir og pabbi eru allir ötulir safnarar. Til dæmis safnaði pabbi einu sinni merktum pennum. Voða flottir Sjóvá,Toyota, Eimskips, og Landsbankapennar fylltu allar skúffur. Í dag safnar hann hljóðfærum(sem er alveg efni í færslu út af fyrir sig). Ég þarf ekki lengur að fara á Videoleigu því báðir bræður mínir safna DVD og sá eldri safnar ævintýrabókum og geisladiskum. Ekki má svo gleyma afa mínum sem safnar sjálfteknum myndum af íslenskum kirkjum, spennandi!
Niðurstaða mín er semsagt sú að það er villandi að segja að konur hafi "Safnað" því væntanlega voru jurtirnar étnar og kurlið brennt, allavega voru þær ekki að safna óþarfa.
Að lokum eruð þið að safna einhverju?

SOS

2006-05-26T11:02:00.000-07:00

Þvílík spenna, þvílíkir leikar, allt að gerast..... hef semsagt verið dugleg að fylgjast með kosningasjónvarpi NFS. Er lítið fyrir að ræða stjórnmál á síðunni, fæ útrásina annarsstaðar. En VÁ hvað framkoma í sjónvarpi hefur mikil áhrif á skoðanamyndun. Var gráti og hlátri næst þegar ég horfði á frambjóðendur í Reykjanesbæ og Kópavogi. Jafnvel ég myndi kjósa Sjálfstæðið í Reykjanesbæ, lægi fyrr dauð en að kjósa það í Kópavogi. Hér í borginni vil ég minna fólk á að nota atkvæði sitt og kjósa með hjartanu. Ef hjartað segir D eða F skuluð þið hunsa það og nota skynsemina, ef það segir B þá er hjartabilun.

Húbba húlla húlla húlla-=-

2006-05-22T03:50:00.000-07:00

Jæja þá er hinni ofur umtöluðu evróvision allri lokið, í bili. Er lítill aðdáandi keppninnar og nenni ekki að fara um hana mörgum orðum. Velti þó fyrir mér þátttöku Íslands. Fyrir utan kostnað í tengslum við framlag myndi sigur(sem aldrei verður) sjá botninn á buddunni, ansi dýr verðlaun. En keppnin gefur tilefni til gleðskapar og stundum er í lagi að loka augunum fyrir hallærinu, allavega hljómuðu lögin betur með þeirri taktík.
Annað, hef aðeins verið að fylgjast með sögu HM í fótbolta. Hvernig stendur á að buxur knattspyrnumanna síkkuðu á sama tíma og pils kvenna styttust?

Svona að lokum þá var Eden í Hveragerði að auglýsa eftir talandi kráku og skemmtilegum öpum í Fréttablaðinu í gær. Svona í alvöru, má fólk eiga Apa sem gæludýr á Íslandi, spyr sú sem ekki veit?????

Bíll versus Hjól?

2006-05-15T03:13:00.002-07:00

Hef verið að gæla við þá hugmynd að selja bílinn og fá mér hjól. Eftir tvo hjólastuldi á innan við mánuði hét ég að fá mér aldrei aftur slík farartæki. Þar sem 14 ár eru liðin frá þeim leiðindum hefur tíminn læknað sárin. Er samt hrædd um að löngunin sé umræðutengd og að hjólið muni bara sofna í bílskúrnum eftir fyrstu ferðina. Sá kjörið tækifæri til að prófa áhugann á nýja hjólinu hans Hemma. Raunin varð sú að mín náði ekki niður á pedalana, skrítin gullíverismi hjá framleiðanda. Í morgun fékk ég svo aðra bakþanka þegar ég sá konu reiða hjólið sitt eftir göngustíg. Konan skjögraði á HÁ háhæluðum með pena hliðartösku fyrir fartölvuna, plastpoka og Coofee to go! Langaði mest að stöðva bílinn, bjóða fram aðstoð eða benda henni á að stundum þarf að fórna stílnum með bílnum. Svo fór ég að hugsa um veðrið, veturinn, kuldan, svitan, innkaupin, sveitina...... Langar alveg enn í hjól en ætla að halda aðeins lengur í bílinn svona til að sjá hvernig mér farnast.
Svona að lokum.
Eyþór Arnalds:

ók drukkinn
keyrði niður ljósastaur
flúði af vettvangi
NÁÐIST

Þar af leiðir að Eyþór dregur sig í hlé í kosningabaráttunni.
Geir Haarde telur að Eyþór hafi tekið á málinu af myndarskap og axlað þá ábyrgð sem rétt er að hann axli vegna þessa(segir á baksíðu mbl).
Bíddu, ábyrgð og myndarskapur???

Bíll versus Hjól?

2006-05-15T03:13:00.000-07:00

ók drukkinn
keyrði niður ljósastaur
flúði af vettvangi
NÁÐIST

Fögur Fyrirheit

2006-05-10T11:11:00.000-07:00

Var semsagt búin að skipuleggja ferð á Esjuna í gærmorgun, leikar fóru 1, O fyrir Esjunni. Ég er farin að halda að þetta snúist um nálægð, Esjan er ekki nógu langt í burtu! Í staðinn tók ég út skautana og renndi mér niður við sjávarsíðuna. Hætti mér varla út í umferðina á þessum skautum ,þeir renna svo hratt að ég þarf að grípa í ljósastaura til að stoppa mig, frekar halló;-)
Annars spáir skottan bæði ljúfu og spennandi sumri. Ljóshærði álfurinn minn ætlar að kaupa sér mótorhjól, YES, sé mig alveg aftan á fákinum, bara gaman. ÆTLA að prófa sigla með stóra bró og kvinnu, spila golf(a.m.k 1 sinni) og slaka á í bústaðnum, já svo SKAL ég sigra Esjuna þetta sumarið.
Að öðru, lenti í því um helgina að ræða staðsetningu Reykjavíkurflugvallar við leigubílstjóra! Vá hvað þetta er orðin þreitt umræða, svona svipuð og veðrið.

Feel free to fart

2006-05-08T05:13:00.000-07:00

Ok, stóð í biðröð áðan í Hagkaup þegar konan á undan mér rekur svona líka við. Vá hvað mín átti bágt með sig og svipurinn á veslings konunni, ha ha. Hún ætlaði augljóslega að læða en Úpps. Sem minnir mig á The Fartroom. Vissuð þið að á ST jóseps spítalanum í Hafnarfirði er sérstakt fretherbergi. Fór í allsherjarspeglun um daginn og eftir rannsóknina var ég keyrð í herbergið og mér tilkynnt að ég ætti ekkert að vera feimin við að reka við. Var uppfull af lofti eftir rannsóknina en að vera með 3 öðrum fretandi manneskjum í herbergi fannst mér frekar skammarlegt. Ef ekki hefði verið fyrir kæruleysisprautuna hefði ég örugglega frekar sprungið.
En svona til að setja punktinn yfir þetta prumputal þá stinkar kötturinn minn! Tulla, Lilja, Eva eða annað kattafólk, er þetta bara þurrfóðrið, ég gef henni ekkert annað og það var ekki svona svæsin lykt af gömlu kisunni??

Ég skil ekki

2006-05-05T08:15:00.000-07:00

þá "góðmennsku" þingmanna að leggja niður störf svo þeir steli ekki þrumu sveitastjórnakosninga! Geta þeir ekki brainstormað næstu kosningaloforð(svik) á kvöldin?
Annað, las grein í dag undir yfirskriftinni Skólabúningar- að hætti hersins. Greinin er eftir fyrrum kennara minn og núverandi aðjúnkt í ensku við HÍ. Í Greininni undrast höfundur á að jafn framsækið afl og B-listinn í Reykjavík skuli kenna sig við jafn gamaldags hugmynd og skólabúninga. Hér fór ég auðvitað strax að efast, ég meina listinn heitir Framsókn og þar við lýkur framsókninni.
Áfram gagnrýnir höfundur þá staðhæfingar að skólabúningar geti dregið úr einelti, aukið sjálfstraust nemenda, dregið úr neikvæðu áreiti og stuðlað að betri námsárangri. Að lokum segir höfundur að í frjálsu lýðræðisríki eigi ekki að líðast að börnum sé skipað að klæðast sömu fötunum dag eftir dag árum saman, slíkt kallist ill meðferð á börnum. Gott og vel, skólabúningar hífa ekki greindarvísitöluna en málið snýst bara ekkert um það. Hver man ekki eftir því hvernig þetta var í grunnskóla, allir þurftu að eiga einhver stöðluð föt annars var þeim strítt! Ég varð aldrei fyrir einelti í skóla en varð vitni af mörgum tilfellum þar sem klæðaburður nemenda kom við sögu. Eigum við ekki bara sem frjálst lýðræðisríki að hætta að skipa börnum að ganga í skóla dag eftir dag ár eftir ár. Ég veit ekki í hvaða draumalandi höfundur býr ef hann skilgreinir skólabúninga sem illa meðferð á börnum. Það má gagnrýna Framsókn fyrir ansi margt en að mínu mati er þessi tillaga ekki svo galin. Nóg er mismununin í samfélaginu og grunnskólabörn ættu ekki að þurfa líða fyrir ef foreldrar hafa ekki efni á nýjustu tísku.

Eftirminnileg hlutverk

2006-05-02T04:10:00.000-07:00

Var að Greysast í gær og Christiana Ricci var í gestahlutverki í þættinum. Sama hvað ég reyni þá sé ég alltaf Wednesday í Adams family þegar Ricci er að leika. Ég lendi í sömu vandræðum með fleiri eftirminnilega charactera;

Johny Depp- Edward scissorhands
Jack Nicholson- Jokerinn í Batman
Anthony Hopkins- Hannibal
Jeff Goldblum- Fly
Dustin Hoffman- Rainman
David Schwimmer- Alltaf Ross
Harrison Ford- Indiana Jones
Julia Roberts- Vændiskonan Vivian í Pretty Woman
Tom Cruise-Vampíra

Af hverju er Brad Pitt ekki alveg eins fastur í hausnum á mér sem Vampíra eða Jennifer Aniston sem Rachel?
Lendir einhver annar í þessu??

hmmm?

2006-04-28T10:52:00.000-07:00

Herms á afmæli í dag, con grat. Sumir vilja meina að hann sé 21 árs en þar sem ég er 17 og hann er litli bró stenst það ekki, hmmm.
Ætla samt að leyfa fólkinu að lifa með blekkingunni!
Later.

Sumarið Kom

2006-04-25T04:20:00.000-07:00

.... og sumarið FÓR. Hvern erum við annars að reyna að plata með Sumardeginum fyrsta? Él, snjókoma og nístandi norðanátt dagsins blekkja allavega ekki ferðamanninn.
Legg til að við rekum Lóuna sem vorboða og tökum upp annars konar mælingu á komu sumarsins eins og hita yfir frostmarki í a.m.k viku eða eitthvað. Brrrrrrrrr.

Stóri Drátturinn

2006-04-21T08:16:00.000-07:00

Ekki missa af Stóra Drættinum
(Evrópuferð fyrir tvo er aðalvinningur)
Af einhverjum ástæðum las ég góða drættinum og ferðavinningur í félagsvist var ekki það fyrsta sem koma upp í huga mér þegar ég las þessa auglýsingu. Freudískar duldir???
Hef líka verið að horfa á fyrstu seríu af O.C, hafði ekki ekki séð einn þátt og vissi ekkert um hvað þeir fjölluðu. Ég skammast mín fyrir að geta sagt að eftir 3 kvöld/nætur á ég aðeins 2 þætti eftir. Veit ekki alveg hvað heldur mér við skjáinn en grunar að persónulegur skortur á rómantík og drama geti verið ástæðan, já og Adam Brody. Allavega sá sem getur útvegað mér 2 og 3 seríu vinsamlegast hafið samband, FLJÓTT! svo ég þurfi ekki að spara lokaþættina og eignast líf.
Hjálp.

Perlur og vín

2006-04-18T06:30:00.000-07:00

Páskarnir voru nú með frekar óhefðbundnu sniði hjá Skottunni þetta árið. Þar sem gamla settið er í golfi á Spáni var guli liturinn hverfandi á heimilinu. Páskaeggin eru samt nauðsynleg og þau voru sýnileg;-) Á föstudaginn keyrðum við Mannsi á Hellissand og heimsóttum Írisi. Sá loks höllina sem fjölskyldan er að byggja og Vá. Annars lýsa Páskalamb, rauðvín, póker og perlur ágætlega dvölinni. Verð líka 6 ára aftur þegar ég hitti litlu frænkurnar, fæ að lita, perla og horfa á teiknimyndir, those were that days. Tókst að kveikja í perlunum þegar ég ætlaði að strauja afköstin, gleymdi einhverjum helv pappír á milli,. Hneyksluð Íris; Kanntu ekki að strauja perlur???? Get víst alveg gleymt því að vinna á leikskóla.
Á leiðinni til baka keyrðum við svo Vatnaleiðina. Erum nefnilega komin á sumardekkin og færðin frekar slæm yfir heiðina. Keyrðum í gegnum Grundarfjörð en það hef ég ekki gert í fjölda ára. Fengum geðveikt veður og ég gerði mér ljóst að Snæfellsnesið er fallegasti staðurinn á landinu, ótrúleg fjallasýn

Þetta helst

2006-04-11T12:54:00.000-07:00

Í hádeginu hlýddi ég á Andra Snæ fjalla um bók sína Draumalandið. Ég hef reynt að nálgast bókina en hún er ekki enn til á borgarbókasöfnum. Hafði ótrúlega gaman af Andra sem er hönkispank með heilmiklu viti. Þurfti alveg að spóla til baka og uppfæra hugmyndir mínar um manninn, hann féll nefnilega ekki alveg í form ljóðskálda og barnabókahöfunda. Fyrirlesturinn fjallaði að mestu um stóriðjuæði landans og hvernig við erum föst í þeirri hugmynd að virkjanir séu eina ráðið til að koma í veg fyrir kreppu, og til að fólk á landsbyggðinni geti haldið kyrru fyrir. Það sem mér finnst athyglisverðast er að fólkið sem býr nálægt virkjunarsvæðunum virðist sætta sig betur við náttúruskemmdirnar en fólk í Rvk. Eina Fúleggið á fyrirlestrinum var frá Húsavík, það var ekki sátt við umræðuna. Ég veit vel að álver skapa(tímabundin) störf, er ég þá eigingjörn að vilja halda fallegri náttúru og leita annarra leiða? Myndu skoðanir mínar vera aðrar ef ég ætti heima á Húsavík eða Egilsstöðum? Finnst bara sorglegt að hugsa til þess að Kerlingarfjöll og fleiri staðir sem ég hef heimsótt reglulega í gegnum árin verði eyðilagðir.

Tása

2006-04-04T12:01:00.000-07:00

Ég tórði í tæpt ár án daglegs mjálms en gafst upp í dag. Við mútta keyrðum upp í Kattholt og keyptum, Jú KEYPTUM 4 mánaða kött(síðan hvenær fór kattholt að rukka fyrir björgun?). Nú kúrir þrítlit4 mánaða læða í sófanum og hefur það notó. Gaf henni nafnið Tása vegna þess að hún er fötluð á öðrum framfæti, hökkt hökkt, algjör dúlla. Við mæðgurnar fáum eflaust prik hjá guði fyrir góðverk dagsins.
Jæja get varla skrifað fyrir flökurleika, mataræðið mitt í dag og á morgun samanstendur nefnilega af;

Tærum súpum
Frostpinnum
Gosdrykkjum
Ávaxtahlaupi(GELI)
Ávaxtasöfum
Kaffi
Töflum

Skrifa samt fljótlega ef ég verð ekki dauð úr ofneyslu litarefna, 7.9.13 banki bank.

Sinubruni

2006-03-31T11:22:00.000-08:00

Mæli með að allir fari út og þrífi bílinn sinn, þá mun pottþétt rigna á morgun!!!

Jákvæðni.

2006-03-23T11:13:00.000-08:00

Er að reyna tileinka mér þann hæfileika sem kallast bjartsýni. Af því tilefni ætla ég að reyna finna eitthvað jákvætt við allt sem geri eða verður á vegi mínum.
En svona til að útskýra tilkomandi bloggleysi þá er ég byrjuð í viku heimaprófi í Geðheilsufélagsfræði. Þarf að skrifa nokkrar stuttar ritgerðir eða um 15 blaðsíður, púff. Það jákvæða er að mér finnst efnið skemmtilegt og eftir viku verð ég búin með fagið! Jibbí.
Svo vil ég nota tækifærið og koma því á framfæri að ég á BESTA bróðir í heimi. Litli snáðinn kom til mín og tjáði mér að hann væri búinn að kaupa afmælisgjöfina mína. Þessi elska ætlar að gefa mér miða á tónleikana með Roger Waters. Mig langaði nefnilega ótrúlega að fara en peningaskortur stendur Skottunni fyrir þrifum á mörgum sviðum lífsins þessa dagana;-(Það jákvæða er að ég get ekki orðið fátækari!
Að lokum, eru hestar byrjaðir að missa vetrarhárin fyrir sumarið? Ég er nefnilega að verða sköllótt og var að velta fyrir mér hvort það tengdist árstíðarbreytingum. Það jákvæða er að 3 hár eru léttari en 300,000.
Damn þessi jákvæðni er erfið.

Bílaflotinn

2006-03-20T10:40:00.000-08:00

Er það bara ég eða er Range Rover faraldur í Reykjavík? Fjöldinn fer að líkjast BMW flota Þjóðverja. Ég taldi 6 Rovera á leiðinni í ræktina um daginn sem nótabene var 5 mínútna akstur. Til að skekkja ekki niðurstöðuna tók ég bílastæði Lauga ekki með í reikninginn( talan hefði margfaldast í hádeginu þegar jakkafötin sprikla:) Tók líka eftir að ökumennirnir voru flestir að tala í símann undir stýri, örugglega til að undirstrika mikilvægi sitt.
Jamm Míkran mín er öfundsjúk. Ef ég ætti peninga myndi ég samt frekar kaupa mér HUMMER! Það eru tryllitæki. Myndi líka splæsa í bílstjóra til að tryggja öryggi annarra borgara;-)

Að lokum. Ég veit að það er ljótt að gagnrýna nýgræðinga en mér líður virkilega, virkilega illa þegar nýja fréttaþulan á NFS birtist á skjánum!

íslenska vatnið.

2006-03-16T07:12:00.000-08:00

Mér finnst þessi vatnalög hálfsorgleg. Ég elska sturtuna mína og ískalt vatn úr krana. Auk þess er ég með svo litla pissublöðru þannig að vatnsreikningurinn verður svaðalega hár(verð kannski látin míga úti í annað hvort skipti!!) En svona í alvöru talað, þá munu þessi lög örugglega breyta ýmsu sem áður þótti sjálfsagður hlutur. Ætli fólk verði ekki rukkað fyrir að skola af bílum á bensínstöðvum, og látið borga fyrir klakana í kókið?
Be prepared og grafið fyrir vatni í bakgörðunum heima hjá ykkur og byggið brunn;-)

Bandaríska blessunin

2006-03-13T11:00:00.000-08:00

Fór á umræðufund í dag undir yfirskriftinni; Hvað er Bandaríkjastjórn að vilja í Miðausturlöndum. Michael Rubin sérfræðingur í málefnum Miðausturlanda hjá bandaríska varnarmálaráðuneytinu hélt stutta tölu og sat síðan fyrir svörum. Rökin hans voru ekkert ný af nálinni. Bandaríkjamenn sofa ekki vært fyrr en lýðræði, tjáningarfrelsi og jafnrétti verða að veruleika í Miðausturlöndum. Rubin hefur kannski haldið að auðvelt yrði að tala til þjóð sem trúir á álfa og tröll. Hann hélt því staðfast fram að innrásin hefði ekkert að gera með olíu eða aðra hagsmuni Bandaríkjanna, neib bara góðgerðarstarfsemi. Auk þess baunaði maðurinn út úr sér bröndurum sem mér fannst ekki við hæfi þegar umræða snýst um stríð.
En allavega þótt fjölmiðlar hafi greint frá hörðum mótttökum háskólasamfélagsins fór fundurinn friðsamlega fram, engin eggjaköst eða öskur.
Að lokum hvað á mín að gera í sumar?? Er alveg tóm í hausnum. Sem betur fer er fjöldi áhugaverða ræstingarstarfa í boði. Það er deginum ljósara að sá sem semur svona auglýsingu hefur aldrei á ævinni skúrað. Annars var Holtakjúklingur að auglýsa í annað skiptið eftir starfsmanni í kjúklingaverkun. Býst við að starfið verði áfram laust ef allt fer í þrot.

Stóri Bróðir

2006-03-10T11:18:00.000-08:00

Egill Helga fór með ágætis pistil í kvöld þar sem hann fjallaði um aukið eftirlit með þegnum samfélagsins. Kreditkortin sjá til að hægt er að rekja slóð fólks, fylgjast með neysluvenjum og lífsstíl. Nú á að setja tæki í alla bíla sem skráir aksturshraða(símælir) þannig að lögreglan geti kannað hvort farartækjum hafi verið ekið yfir leyfilegu hámarki. Það sjá líka allir sem keyra um götur Reykjvíkur að fjöldi myndavélaskilta og hraðamæla hafa margfaldast. Að sjálfsögðu eru ekki myndavélar alls staðar þar sem skilti eru en fólk veit ekki hvar, óvissan nægir. Tilgangurinn= forvörn
Í fyrra voru umræður um hvort lögreglan ætti að fá leyfi til að hlera símtöl án dómsúrskurðar og ekki má gleyma umdeildum gagnagrunni íslenskrar erfðagreiningar.
Eftirlitsmyndavélar, upptöktæki, og afkastamælar eru í auknu mæli notuð til að fylgjast með starfsfólki vinnustöðum. Í einum kúrs í skólanum var fjallað um þetta efni. Kennarinn gerði rannsókn á sálrænum áhrifum slíks eftirlits á starfsfólk. Í hátæknifrystihúsum eru afkastamælar sem skrá hversu marga fiska konur verka á ákveðnum tíma. Í einu þeirra var sett upp súlurit á kaffistofunni sem sýndi afköst allra og nöfnin sett fyrir ofan. Síðar var kvartað yfir þessu fyrirkomulagi og þá var nöfnunum sleppt, en allir vissu hver átti hvaða súlurit.
Tilgangurinn= hvatning og aukin afköst. Atvinnurekandinn sér hvenær dagsins og hvaða daga starfsólkið stendur sig verst og best. Hann getur líka séð afkastamynstur og ályktað út frá þeim. Ef kona er alltaf undir meðallagi á ákveðnum tíma mánaðarins er hún kannski á túr, ef mánudagarnar eru alltaf slakari en aðrir dagar er skemmtanagleðin örugglega óhófleg, etc, etc,. Fólk sem vinnur á síma er líka undir eftirliti. Fylgst er með fjölda og lengd svaraðra símtala, sem og úthringingum. Mórall á vinnustað= Djö hún Sigga er alltaf svo dugleg og lætur mig líta illa út!!!, Vissulega eiga duglegir einstaklingar hrós skilið, en hraði segir lítið um gæði vinnunnar.
Eitt öfgadæmi var þegar Persónuvernd fékk fyrirspurn frá gjaldkera í banka. Konan hafði verið kölluð á teppið hjá yfirmanni sínum sem taldi ekki við hæfi að hún færi á ákveðinn skemmtistað um helgar. What! Jú kortið kom upp um hana. Tilgangurinn=ímynd bankans.
Þó slíkt eftirlit sé óþægilegt getur starfsfólk lítið sagt. Hvers vegna? Jú ef það kvartar þá er eins og það hafi eitthvað að fela!
Talað er um að setja upp eftirlitsvélar í skólastofum og fyrirlestrarsölum. Tilgangurinn; Gæði kennslu? eftirlit með pólítískum áróðri? Ofbeldi?
Í Bretlandi verða u.þ.b 23% kvenna fyrir heimilisofbeldi og í hverri viku eru að meðaltali 2 konur drepnar í heimiliserjum. Vitað er að misnotkun á börnum er oftast af hálfu náins ættingja. Hvenær kemur eftirlitið inn á heimilið?
Hversu langt eiga og meiga ríki og fyrirtæki ganga í slíku taumhaldi? Er þessi þróun af hinu góða?

Ömmuknús

2006-03-08T09:50:00.001-08:00

Hún á afmæli í dag, hún á afmæli í dag hún á afmæli hún amma hún á afmæli í dag.
Ég á alveg hreint magnaða ömmu. Þó hún smyrji enn ofan litla strákinn sinn á sextugsaldri(pabba) þegar hann kemur í heimsókn þá lít ég frekar á hana sem vinkonu mína en ömmu. Við höfum drukkið saman kaffi frá því ég ponsa, fyrst úr bollastelli og svo úr alvörunni. Við tölum saman um heima og geima enda sú gamla inni á flestum sviðum. Hún les öll blöð, fylgist með fréttatímum bæði í sjónvarpi og útvarpi, les slúðrið eins og henni sé borgað fyrir það og horfir á box fram nætur. Tíska, vinir, strákar, skólinn og skemmtanir, You name it, ég tala við ömmu. Svo höfum við líka svipaðan smekk á karlmönnum, höfum vegið og metið flesta frétta, stjórnamála og athafnamenn og haft gaman af:-)
Í dag langar mig ekkert sérlega í börn, veit ekki af hverju en býst við að karlmannsleysið eigi sinn þátt í hljóðum eggjastokkum. En eitt veit ég og það er að mig langar að verða AMMA.
Verð kannski útlánsamma í framtíðinni;-)
Allavega, hvernig sem viðrar í hausnum á mér, hvort sem það er tár eða hlátur þá líður mér alltaf betur eftir heimsókn í Múlann.
Fátt er betra en ömmuknús, hún er líka svo mjúk.

Post-gervihnattaöld

2006-02-28T11:29:00.001-08:00

Á tímum netsamskipta, hver eru rökin fyrir að setja á fót sendiráð um allar trissur? Eru þessar stofnanir að ganga frá mikilvægum viðskiptasamböndum? Ég viðurkenni fáfræði mína, veit ekki hvað dagleg störf sendiherra fela í sér. kannski eru þau ómetanleg fyrir land og þjóð, kannski eru þau endastaður fyrir útbrunna ráðherra?
Annað sem ég hef mikið verið að velta fyrir mér menntun ýmissa ráðherra. Til að mynda var Sif Friðleifsdóttir umhverfisráðherra en hún er sjúkraþjálfari að mennt. Ég veit vel að baki ráðherra starfar fjöldi sérfræðinga á viðkomandi sviði, en hver er þá tilgangurinn með toppinum? Er ekki rökréttara að ráðherra hafi a.m.k grunnmenntun sem með einhverjum hætti tengist stöðu hans? Man bara hvað mér brá, var fullviss um að Sif væri doktor í svifryksmengun, byggingarverkfræðingur eða eitthvað álíka:-)

Michelin maðurinn og Sterar

2006-02-27T10:47:00.000-08:00

Vaknaði við vondan draum á laugardagsmorgunin, leit út eins og Michelin maðurinn í framan. Var svo útblásin að kinnarnar og augun féllu saman Ojj. Fékk vægt taugaáfall og dreif mig bráðamóttökuna. Þar var tekin blóðprufa og mér gefnir sterar og ofnæmistöflur. Þar sem ég hef netta töflufóbíu var mér órótt yfir skammtinum, 9 töflur takk fyrir. Mín fór eitthvað að kvarta og spyrja lækninn hvort allar þessar töflur væru nú nauðsynlegar. Hann tjáði mér að þetta væri LÍTILL skammtur, gamlar konur tækju oft miklu stærri skammta. Nú okei þá er þetta í lagi, NOT. Ég get ekki fundið neinar tengingar við eitthvað sem ég hef borðað enda lítið fyrir tilraunastarfsemi á því sviði. Er hræddust um að ég sé komin með andlegt ofnæmi fyrir sjálfri mér sem brýst út með þessum hætti..... ARRRGGGGG.
Er svo til búin að sofa síðan á þetta gerðist. Fyrir utan þreitu og magapínu af þessum LITLA skammti líður mér samt betur.
Later
Steratröllið.

Allt fyrir peninga og SÚKKULAÐI

2006-02-24T10:47:00.000-08:00

Mér finnst ránið sem var framið í Bretlandi alveg magnað. Að ganga út með 6 milljarða, ekki slæmt, ja nema fyrir Securitas. Burtséð frá siðferði, réttlæti og skynsemi hef ég lúmskt gaman af svona málum. Hvers konar fólk fremur slíkan glæp, hugrakkt eða heimskt?. Ef lögreglan hefur rétta aðila í varðhaldi=heimska. Ef lögreglan hefur ranga aðila í varðhaldi= hugrakkir siðblindir snilllingar. Langar mest að fara til Kent, leysa málið og næla mér í 200 milljónir!
Var einu sinni með ransom plan. Eiginkona íslensks auðmanns labbaði daglega með hundinn sinn fram hjá vinnustaðnum mínum. Hefði getað rænt henni og hundinum og krafist lausnargjalds. Hætti við, kannski yrði maðurinn bara feginn að losna við kellu;-)...
Nektin er greinilega AUÐkeypt í henni Hollywood. Eva Longoria neitaði að koma nakin fram í atriði sem verið var að taka upp fyrir sjónvarpsþáttaröðina Desperat housewives. Það var ekki fyrr en framleiðendur gáfu Evu dýrustu gerð af súkkulaði að hún samþykkti atriðið. Súkkulaði er gott en svo gott?? Skrítin skipti! Spái því að Hugh Hefner kaupi sér súkkulaðiverksmiðju.

Lúða-Lover

2006-02-22T13:10:00.000-08:00

Hef komist að því að ég hef fáranlegan smekk á karlmönnum. Var að horfa á Chelsea- Barcelona og innan um alla spænsku húlíóana, þá slefar míns yfir John Terry!! Damn he's fine. Hann skoraði reyndar sjálfsmark og fór í smá handbolta en af minni hálfu er honum fullkomlega fyrirgefið:-)
Held því miður að Chelsea menn hafi spilað sig úr keppninni að þessu sinni. Þeir þurfa að vinna Barcelona á heimavelli með 2 marka mun sem er ekki að fara gerast. Skottan verður þá að leita sér að öðrum fótboltalúða sem heldur henni við skjáinn. Bye Terry;-(

Kompás

2006-02-19T12:13:00.000-08:00

Vá hvað kompás var magnaður í kvöld, isss. Hver hefði trúað þessu í henni Reykjavík? Kompásmenn settu auglýsingu inn á Einkamál.is og þóttust vera 13 ára stelpa í leit að eldri strák. 80, já áttatíu karlmenn á aldrinum 16-70 ára höfðu samband við hana á 2 dögum. Klámfengin skilaboð, símtöl og sóðaskapur. Kompás náði nokkrum þegar þeir ætluðu að hitta stúlkuna til að hafa við hana mök. Einn mannanna sagðist sjálfur vera gera könnun á hversu langt stúlkur væru tilbúnar að ganga, umm já einmitt vinurinn.,, Hvet alla til að horfa á þáttinn sem verður án efa endursýndur.

Tjej og Killar

2006-02-17T12:17:00.000-08:00

Er að fara kanna sambandið á milli klámnotkunar og Kynlífshegðunar hjá framhaldsskólanemum. Það verður gaman að skoða niðurstöðurnar þó ekki verði hægt að segja neitt til um orsakasamband.. Í tengslum við verkefnið var ég að skoða spurningalista sem hafa verið lagðir fyrir unglinga í öðrum löndum. Ef þið vitið hvað orðin Tjej og Killar þýða eruð þið betri í viðkomandi tungumáli en ég.
Bara svona til að gera þetta auðveldara þá þýða orðin ekki; Tæja eða Morðing;-)

Klukk

2006-02-15T10:20:00.000-08:00

Jæja, hún Dóra sæta frænka mín klukkaði mig. Ég ætla auðvitað að vera kona með konum og vera með;

Fjögur störf sem ég hef unnið um ævina;

Smash og Deres í kringlunni
Húsgagnaverslunin InnI
Kaffihús/Miðasala
Morgunblaðið(áskrift)

Fjórir staðir sem ég hef búið á;

Kársnesbraut
Miðleiti
Brekkugerði
(Bjó næstum hjá Ingunni vinkonu þegar ég var lítil;-)

Fjórar bíómyndir sem ég gæti horft á aftur og aftur;

Goodfellas
Silence of the Lambs
Die Hard 1
Seven

Fjórir sjónvarpsþættir sem mér líkar;

Law and Order(SVU)
Reunion
PUNKT
IDOL(Sorry)

Fjórar síður sem ég skoða daglega fyrir utan blogg;

HI.is
Mbl.is
HVAR.IS(ekki alveg dagleg)
Barnaland.is(ekki alveg daglega)

Fjórir staðir sem ég hef heimsótt í fríum;

Spánn
England
Danmörk
Austuríki

Fjögur matarkyns sem ég held uppá;

Epli
Vanillujógúrt
Poppkorn
PepsiMAX

Fjórir staðir sem ég myndi heldur vilja vera á núna:

Á skíðum í Austurísku ölpunum
Á ferðalagi um Suður Ameríku
Í Rússíbana
Uppí rúmi hjá Colin Firth

Fjórir bloggarar sem ég klukka

Tulla
Ingunn
Aubs
Ragnhildur

Takk fyrir Mig!

Makalaus dagur

2006-02-13T12:04:00.000-08:00

Valentínus, einn af þessum óþolandi dögum fyrir einhleypa!!! Vil afþakka allar blómasendingar en þeir sem vilja minnast mín, Send Me A Man.

Félagsskapur

2006-02-09T10:51:00.000-08:00

Það verður seint sagt að einmanaleiki hrjái kjallaraskottuna. Því miður er félagsskapurinn af verri endanum. Það væri óskandi að ég þyrfti að slá karlkynið frá mér af eins miklum eldmóði og helv. flugurnar, eða sópaði upp seðlum í sama magni og flugnahræum. Guð var klókur að gera þessi kvikindi mikilvæg fyrir ljóstillífunarferlið, VIÐBJÓÐUR!!!!.

Skoðanir

2006-02-07T10:55:00.000-08:00

Mig langar að forvitnast um skoðanir fólks á eftirfarandi staðhæfingum;

Já okkur kemur "ofurlaun" bankamanna við
Tjáningarfrelsið réttlætir að gert sé grín að trú annarra
Samkynhneigðir eiga rétt á að ættleiða börn
Samkynhneigðir eiga að fá að gifta sig í kirkju

Rabbabarispari

2006-01-24T04:21:00.000-08:00

Ég hló, og hló og hló hló... af nýrri auglýsingu Spron í mogganum í dag;
"Það er gott að spara, spurðu Rabba bara" Heilsíðuauglýsing með mynd af Rafni (Rabba) sem er eiginmaður vinkonu minnar. Þar sem common sense is not so common er örugglega þörf á slíkum auglýsingum til að minna fólk á gildi þess að eiga varasjóð. Væri alveg til í að eiga eitthvað aflögu til að leggja í slíkan sjóð. Kannski ég borði bara rabbbabara til að spara þennan mánuðinn. múhhhhhaaaa.

-70

2006-01-23T03:42:00.000-08:00

Ég vil biðja alla þá sem gala yfir veðrinu á Íslandi að loka goggunum. -70 stiga frost mældist í Síberíu og fólk er að frjósa í hel. Hvað erum við að kvarta?

Its a sign

2006-01-15T09:17:00.000-08:00

Einhver er að ritstýra skrifum mínum á þessari síðu! Hvar er pistillinn sem ég skrifaði hér í gær?? Eitthvað klikk í gangi, EÐA vísbending um að ég eigi að hætta eyða svona miklum tíma á netinu. Þar fyrir utan er sennilega best að röflið í mér svífi bara um í tómarúmi.
Anyways sælunni lýkur á morgun með upphafi nýrrar annar í skólanum. Kvíði fyrir að koma mér í lesgírinn. Ég mynda mér nefnilega einhverskonar skólabókaþol. Í upphafi fyllist ég óhóflegri þreitu og þarf helst að leggja mig eftir hverja blaðsíðu. En svo fara blaðsíðurnar að flettast hraðar með dögunum, vikunum og mánuðunum.
Þessi þolmyndun mín á vanalegast ekki við um annarskonar bækur en jólalesningin í ár var þó af skornum skammti. Held að ástæðan sé sú að ég gaf Arnaldi enn eitt tækifærið. Ólíkt flestum ef ekki öllum Íslendingum þá kann ég ekki að meta skrif hans. Finnst ég allt eins geta horft á Law and order special victim units. Reyndar eru það mínir uppáháldsþættir en mér finnst bækurnar hans Arnaldar ódýr útgáfa af samskonar sögum. Ég vil að bækur hleypi ímyndunaraflinu af stað og skilji eitthvað eftir sig. Bækurnar hans Arnaldar ná ekki að hreyfa við mér á slíkan máta. Kannski vegna þess að ég ímynda mér sögupersónur hans sem leikarana í fyrrnefndri þáttaröð. Veit ekki. Las líka Valkyrjur en finnst Þráinn betri í bakþönkum sínum á baksíðu Fréttablaðsins, vonbrigði.
Jæja er farin að gera eitthvað af viti.

Vondu kallarnir

2006-01-14T01:43:00.000-08:00

Mér finnst,
Mogginn MUN betra blað en Fréttablaðið.
Kastljósið betri þáttur en Ísland í dag
En mikið fer í taugarnar á mér hvernig þessir miðlar reyna snúa DV málinu upp í einhverskonar andúð gegn Baugi, Dagsbrún og ótilnefndum aðilum. Persónulega náði ég ekki alveg hvert spyrjandi Kastljósins var að fara í viðtalinu við Gunnar Smára í gær. Liggur ábyrgðin hjá hluthöfum og æðstu mönnum Dagsbrúnar??? Mér skilst að samkvæmt blaðamannareglum beri ritstjórn ábyrgðina. Hvað varð um kröfuna um frelsi fjölmiðla undan afskiptum eigenda sinna?
Ég var sammála Gunnari Smára. Umræðan um eignarhald fjölmiðla hefur snúist við. Skoðanir manna skipta sér oft eftir því hverjir eiga hlut að máli. "En það er nú ekki til umræðu hér" voru viðbrögð spyrjanda við óþægilegri ábendingu. Umræðan er sú að þú og þínir menn eru vondir kallar!(reyndar komu þessi orð ekki fram með beinum hætti en slíkur var tónninn). Mér finnst óþarfi að teygja anga DV málsins yfir á aðra miðla í eigu Dagsbrúnar eða manna tengdum þeim.
Tel þó ólílklegt að einhver kínamúr liggi á milli ritstjórnar og eigenda eða auglýsinga og fréttadeildar, en held það eigi við um alla miðla, því miður.
Að lokum þá fannst mér þetta innskot með leikaranum ömurlega ófyndið.

Stór orð

2006-01-11T12:46:00.000-08:00

Maraþon umfjöllun kastljósins um fréttaflutning DV vekur upp ýmsar spurningar. Á slíkur "frétta"flutningur einhvern tímann rétt á sér? Hvernig hefði, ef einhver, orðræðan orðið í samfélaginu ef maðurinn hefði ekki framið sjálfsmorð? Hvers vegna framdi maðurinn sjálfsmorð? Sekur? Saklaus?
Hvernig brugðust nú aftur "fínni" fjölmiðlar við fréttaflutningi DV um hinn svokallaða svefnnauðgara? Ég man ekki betur en Kastljósið hafi talað við eitt af fórnarlömbum hans, upplýst almenning um nauðgunarlyfið, ogsfr. Var búið að dæma hann? Ég man það ekki.
Ég er ekki að leggja blessun mína yfir slíkan flutning, langt í frá. En eitt er víst DV DRAP EKKI MANNINN, hann féll fyrir eigin hendi. Í hita augnabliksins verða heldri menn samfélagsins líka að athuga orð sín.

Bölvun og Bor á rauðu

2006-01-10T06:09:00.000-08:00

Ég bakkaði á bíl núna áðan. Var að koma af æfingu, hæstánægð með dugnaðinn(mætinguna:) og tilbúin að takast á við daginn. Arrrrgggg. Veit upp á mig skömmina en ætla ekki að fara út í þá sálma. Maðurinn var algjört gæðablóð og virtist kenna í brjóst um klaufann sem augljóslega kann ekki að keyra. Tjónaskýrsla, afsökun, afsökun, og aftur afsökun, blessaður og svo bölvað. Á ljósum á leiðinni heim, niðursokkin í vangaveltum um ömurlega asksturshæfileika mína, er mér litið inn í næsta bíl. Þar var strákur um tvítugt svo önnum kafinn við að bora í nefið á sér og borða nammið að ég hef aldrei séð annað eins. Hló mig máttlausa og gleymdi í andartak áðurnefndu óhappi. Svona smá ábending til þeirra sem hafa slíka slíka iðju að vana. Borið og borðið á ferð. Það er aldrei að vita nema ég sé í næsta bíl;-) Og ábending fyrir sjálfa mig, fylgstu betur með umferð og akstri og minna með ökumönnum.

Við erum allar Súpermódel.

2006-01-06T11:40:00.000-08:00

Kíkið á viðtalið við Tarantino á hugi.is undir háhraða. Hvernig verða næstu áramót á Íslandi? Ég spái því að Hollywood mæti hingað með öllu tilheyrandi. En eru drykkjuvenjur íslenskra kvenna virkilega svona slæmar samanborið við drykkju kvenna í Bandaríkjunum? Spyr sú sem ekki veit.

Heilsan

2006-01-05T03:39:00.000-08:00

Komst að því í ræktinni í gær að ég er rosalega góð við sjálfa mig á æfingum. Get ekki enn lyft út af bakinu og verð að láta mér nægja að ganga á "hlaupa"bretti eða nota skíða og klifurtækin. Einn ágætis þjálfari benti mér pent á um daginn að ég hangi á klifurvélinni og slík beiting reyni lítið sem ekkert á líkamann. Í gær gat ég ekki"hangið" á vélinni út af bakinu heldur varð að standa upprétt, eða öllu heldur ég varð að nota vélaskrattann eins og á að gera. Mín náði varla andanum eftir 5 mínútur. Þarf spark í rassinn.
Las heilsublað moggans sem kom út á mánudaginn. Það er ekkert verið að leyfa fólki að láta samviskubit jólanna líða rólega hjá frekar en fyrri árin. Er löngu hætt að láta slíkan áróður angra mig en þó vakti athygli mína umræðan um lífrænt hráefni og matargerð. Eftir lesturinn kíkti ég á www.madurlifandi.is til að kíkja á uppskriftir. Á 15 hráefni hverrar uppskriftar hugsaði ég með mér hversu einfalt, ódýrt og fljótlegt það er að opna skyrdollu;-( En það er líka leiðinlegt og einhæft þannig að ég ætla reyna taka mig á, byrja rólega og sjá svo til. Það virðist líka vera miklir öfgar í þessu líkt og öðru og bendi ég á 10 grunnreglurnar máli mínu til stuðnings. Það má varla borða neitt samkvæmt þeirri hugmyndafræði. Og það sem má borða verður helst að vera frá þessum og þessum framleiðanda(vill svo vel til að þær vörur fást einmitt í ákveðinni verslun). Þetta hráfæði, eða hvað það kallast , á að vera voða gott fyrir ofnæmiskerfið en það er líka vitað mál að ef fólk tekur út einhverja fæðu til lengri tíma þá á líkaminn erfitt með taka hana aftur inn. Sem þýðir að ef fólk fer út í slíkar öfgar þá verður það veikt ef það fær sér loks"venjulegan mat"
Hvað á fólk þá að borða á ferðalögum erlendis?
Á endanum sýnist mér gamla hófsemin best, borða fjölbreytt og hreyfa sig.

Ekki viðbjargandi

2006-01-02T12:23:00.000-08:00

Mér er ekki viðbjargandi. Var heima allt gamlárskvöld, drakk 3 glös af kampavíni og svona 30 kaffibolla til að halda mér vakandi þrátt fyrir fullt hús af fólki. Dæmigert fyrir mig að fyllast óútskýranlegri þreytu þá nótt sem flestir vaka en sofa lítið sem ekkert aðrar nætur. Nennti ekki einu sinni í björgunarsveitarpartý jafnvel þó mér væri sagt að þar væru nokkrir drengir sem hugsanlega gætu bjargað mér;-(
Foreldrar mínir fóru á nýársfögnuð hjá dansfélagi í gær. Pabbi hafði orð á að honum hefði liðið eins og línumanni sem hefði villst inn á fótboltavöll. Svona svipað og mér leið á salsaklúbbnum í Köben.
Er núna að reyna draga brósa á dansnámskeið svo ég verði gjaldgeng á klúbbum erlendis. Er hægt að fara ein á dansnámskeið??
Allavega nýársheitin eru dansnámskeið og að verða betri og bjartsýnni manneskja. Svo stendur Esjan enn á sínum stað;-)

Gleðilegt ár

2005-12-30T13:28:00.000-08:00

Vinsælasti frasi fjölmiðlafólks í dag er án efa að þetta og hitt hafi eða hafi ekki verið til lykta leitt.
Takið eftir þessu.
Á NFS var góðkunnugt fólk fengið til velja skussa og stjörnu ársins. Ég vil meina að Jónína Ben hafi unnið sér inn fyrrnefnda titilinn og Eggert Skúlason þann síðari fyrir að hjóla hringveginn til styrktar Hjartaheill, landssamtökum hjartveikra. Hallgrímur Helgason verður samt áfram stjarnan mín;-)
Það var lítið um efningu áramótaheita 05 hjá Skottunni. Gekk hvorki á Esjuna né flutti úr kjallaranum. Skammarlegt!! Kláraði samt heila flösku af Lýsi, ALEIN:-)
Svo er það gamlákur á morgun. Mamma heldur því fram að hún sé að elda kalkún en af stærðinni að dæma er þetta strútur, þvílík skepna.
Jæja, gleðilegt ár gott fólk og takk fyrir það liðna.
XXXX

Valkvíði

2005-12-28T06:33:00.000-08:00

Þegar kemur að því að velja námskeið fyrir næstu önn fer ég gjarnan að velta fyrir mér hvers vegna ég valdi sálfræðina. Hef þó lúmskan grun en sú ástæða er með öllu ófullnægjandi. Greinin er fjölþætt og nær yfir mörg spennandi viðfangsefni en mig vantar þennan brennandi áhuga. Sé mig ekki starfandi sem klíníker né við tilraunir sem útilokar ansi margt. Var að rýna í námsskrána og komst að því að það er ótalmargt ANNAÐ sem mig langar til að læra. Félagsfræði, sagnfræði, bókmenntafræði, íslenska og enska toppa listann. Í gamla daga langaði mig til að verða flugfreyja(sú hugmynd flaug sem betur fer rétt á eftir sjoppukonunni;-), rithöfundur, kennari eða lögfræðingur. Reyndar heldur kennsla á framhaldsskólastigi enn fast í mig en þá væri ég svo til föst hér á fróni.
Öfunda fólk sem hefur vitað frá blautu barnsbeini hvað það vildi gera við líf sitt. Man eftir bekkjarfélaga úr grunnskóla sem sagðist ákveðinn ætla að verða tannlæknir. Þó mér finnist óskiljanlegt hvernig 10 ára gutti gat ákveðið að vilja eyða deginum gónandi upp í fólk þá er sá ágæti drengur nú að klára námið.
Kannski ég láti bara gamla drauminn rætast og gerist sjopputæknir sem telur ekki í pokann:-)

Þolinmæði þrautir vinnur allar.

2005-12-26T07:38:00.000-08:00

Óþolinmæði er minn stærsti löstur, verkin eiga helst að hafa verið gerð í gær. Ég á því einstaklega erfitt með að bíða eftir að bakið mitt batni. Nenni ekki að vera þessi vælitýpa en veit ekki hvernig fólk sem ekki getur hreyft sig hleypir út gremju. Ekki argar maður á ástvini á jólum. Heimsæki slysó á morgun.
Horfði á The Girl With a Pearl earing með Colin Firth(tilvonandi eiginmanni mínum þó hann viti það ekki enn) og Scarlett Johannsson. Colin er ómótstæðilegur í hlutverki þýska listmálarans Veermer. Myndin fjallar um samband Vermeer og vinnukonu hans sem sat fyrir á einu frægasta málverki hans. Kynferðisleg spenna er meginþema myndarinnar en þó kom aldrei til neins líkamlegs á milli þeirra þar sem hann var giftur og margra barna faðir. Ég er ekki að biðja um að myndir endi alltaf með lófaklappi og látum en ég beið allan, ALLAN tímann eftir einhverju djúsí. Neibb ekki einu sinni koss. Leið svipað og þegar ég labbaði út af Seven nema þá var ég líka reið. Skipti yfir á Love Actually þar sem Colin var aftur mættur þremur öldum síðar. Þar fékk ég loks langþráðan endi og meira en það. Má ég biðja um milliveg?

Jólasiðir

2005-12-24T09:17:00.000-08:00

Tja get nú ekki sagt að andi jólanna sé hjá mér þessa stundina. Eitthvað fór lítið fyrir þeim hefðum sem ég hef komið mér upp á Þorlák og aðfangadag. Komst ekki niður í bæ í gær, gat ekki skipt á rúminu , farið á æfingu í morgun né keyrt út pakkana. Pabbi var nú svo ljúfur að setja hreint utan um rúmið mitt í dag, þessi elska. En svona er þetta.
Ég vil líka þakka fyrir öll jólakortin sem ég hef fengið og biðja fólk um að senda mér líka næsta ár þó það hafi ekki fengið kort frá mér í ár;-)
Gleðileg jól.
Stórt knús
Svansa

Jólastress??

2005-12-23T06:09:00.000-08:00

Las ágæta grein í mogganum í morgun. Höfundurinn sem er heimspekinemi spyr sig og lesendur hvaða fólk það er sem alltaf er að vara okkur við jólastressinu. Hann heldur áfram og spyr hvað felist í hinu svokallaða jólastressi og hvort einhver viti um hvað þetta fólk er að tala. Heimspekineminn kemst að þeirri niðurstöðu að það fólk sem básúnar hæst yfir stressinu séu sérfræðingar á sviðinu og umfjöllunin sé dulin auglýsing fyrir starfsemi þeirra. Hann segir að umfjöllunin um að Allir séu stressaðir ali á frekar en minnki stressið.
Þetta er alveg tímabær grein þó ég sé ekki með öllu sammála því sem kemur fram í henni. Viljum við ekki öll vera eins og fólk er flest, eða allavega nálægt því? Ef allir eru stressaðir en ekki við er það kannski merki um að við séum ekki að standa okkur í stykkinu. Þarf þá ekki að baka fleiri sortir, kaupa stærri gjafir og fara aðra umferð yfir gólfin?
Sjálf finn ég engan skilgreinanlegan mun á jólastressi og stressi á öðrum árstímum. En ég þarf heldur ekki að fæða og klæða börn. Ég þarf ekki að útskýra fyrir tárvotum augum að mamma eigi ekki pening fyrir SEGA MEGA leikjatölvu eða salti í grautinn. Mig hefur aldrei skort efnisleg gæði og get því ekki dæmt um álagið sem fylgir fátækt. Ég er ein af þeim heppnu. Þó ég efist um að jógatími og tedrykkja geti komið í veg fyrir slíkt álag þá efast ég samt ekki um tilvist þess. Fólk hefur sjálfsagt mjög persónulegar hugmyndir um hvað felist í hinu svokallaða jólastressi. Heimspekineminn fær því tæpast eitthvað eitt svar við þeirri spurningu.

Svona að lokum, þá rann ég á bakinu niður stigann heima hjá mér(nei! ég var ekki það drukkin:-) Ég var með fullar hendur og náði því ekki að setja þær fyrir mig. Ég er stokkbólgin og get ekkert beygt mig. Argggg. Fer og læt kíkja á mig á morgun ef þetta lagast ekki:-(

Hopeless CASE

2005-12-22T03:48:00.000-08:00

Ok,, Er að fara í matarboð í kvöld þar sem hver og einn á að koma með eitthvað góðgæti. Upphaflega var mér úthlutað það erfiða verkefni að koma með BRAUÐ. Ég veit ekki hvort fólkið hafi haldið að ég kæmi með vikugamalt samlokubrauð því verkefnið var tekið af mér:-( Ég á semsagt ekki að koma með NEITT. Það er greinilegt að fólk er búið að skipa mér í HC hópinn í matargerð.
Óska hér með eftir manneskju sem er tilbúin að kenna mér að elda, þangað til mun ég bjarga svona matarboðum með Baileys flösku, og hananú.

2005-12-21T10:47:00.000-08:00

Ég vil snjó, núna, núna ,,,,, NÚNA.
Er dauðleið á að hafa haustveður allt árið. Mig langar á skíði og snjósleða, búa til snjóbolta, snjóengla og snjókarla. Hvað varð um veðrið okkar???
Eruð þið að grínast með:

launahækkun þingmanna
forsíðufrétt DV
Kortagleði Íslendinga
Ný íslensk fjós

Svo er ég að vandræðast með jólalesninguna. Gat ekki að beðið til jóla þannig að ég fór á bókasafn í dag að leita að einhverju spennandi. Fór bókalaus út:-( Greinilegt að fleiri hafa ákveðið að taka forskot á sæluna.
Endilega komið með tillögur ef þið lumið á einhverjum gömlum góðum mola.

HOME

2005-12-19T02:36:00.000-08:00

Ferðin var í alla staði yndisleg. Góður matur, gott veður og síðast en ekki síst frábær félagsskapur. Hótelið var að mínu mati fínt þó ég svæfi á fangabedda;-) Ekki voru nú allir jafn sáttir enda standardinn mishár hjá fólki. En staðsetningin var svo góð að ég get ekki kvartað.
Daninn náði heldur betur að hægja á mér. A týpan varð að víkja og tölta í takt við fjöldann. Eini æsingurinn sem ég varð vör við var í löndum mínum í H&M. Fannst líka gott að geta klárað að kaupa jólagjafir án þess að fara inn í Moll! Mér líður nefnilega alltaf eins og kæstri skötu í Kringlunni fyrir jólin og ekki er hún stór.
Mikið eru Danir myndarlegt fólk, þeir voru ófáir snúningarnir sem ég tók. Skil ekki hvað Íslendingar eru að gorta sig. Íris gerði nokkrar tilraunir til að koma mér út við mikinn fögnuð nærstaddra. Mér var ekki skemmt:-)
Setti persónulegt met í hvítvíns og Baileysdrykkju ásamt möndluáti:-( Komst líka að því að ég kann ekki að dansa:-( Fórum á Salsa klúbb síðasta kvöldið og ég sver það við vorum stödd í Dirty dancing. Einhvern veginn tókst mér samt að snúa 2 metra háum manni í hringi. Lofaði herranum að snúa aftur að ári liðnu og vera þá búin að læra grunnsporin. En þetta var svo gaman!!!!
Ég held að Íslendingar séu ekkert sérlega vinsælir hjá Dönum í dag. Fyrsta kvöldið var fréttaskýringarþáttur í sjónvarpinu um innrás Íslendinga í Danmörku. Þátturinn var á neikvæðum nótum og spannaði allt frá Miss World til hugsanlegra kaupa á H&M. Baugsmálið, bankarnir, mikilmennskubrjálæði og jeppaeign var meðal efnis. Sem betur fer héldu allir að ég og Íris værum spænskar:-)
Eitt að lokum. Er heimkoma hápunktur utanlandsferðar? Fólkið mitt er alltaf svo fegið að komast heim. Ég veit ekki, kannski er ég svona skrítin því mig langar ALLTAF að vera lengur.
Jæja best að hætta þessu röfli.

Búin

2005-12-14T20:27:00.000-08:00

Þá eru prófin búin og reyndar ég líka. Er að fara út á flugvöll og langaði bara að kasta kveðju til allra.
Aubs, ef þú lest þetta til hamingju með afmælið á morgun og góða skemmtun á laugardaginn.
Knús Svansa

Less is MORE

2005-12-13T10:08:00.000-08:00

Braut grundvallar prófregluna mína í dag. Aldrei fara yfir krossa, aldrei, ALDREI. Fyrsta hugsun er oftast rétt og hingað til hefur sú regla komið að góðum notum. Skil ekki hvað er að mér, argg.
Ég hef ekki farið 1 sinni í ræktina í prófunum. Labbaði frekar um hverfið, skoðaði skreytingar og fékk frískt loft í leiðinni. Eins og jólaskraut er nú fallegt og ljósin velkomin í skammdeginu má öllu ofgera. Less is more people, skrautið nær ekki að njóta sín ef það sést ekki í sjálft húsið fyrir dingalingi. Og ef skreytiþörfin er alveg að yfirbuga fólk þá er hægt að kaupa piparkökuhús og tapa sér með Smarties(ég er enn að reyna koma þessu inn hjá mömmu, það sést ekki í eina gluggakistu í húsinu).
En mikið á ég elskulega foreldra, svona hljóðaði kort sem ég fékk í dag;
Þú ert elskuð
fyrir litlu stúlkuna sem
þú varst
Sérstöku konuna sem þú ert núna,
og yndislegu dótturina sem þú verður alltaf.

Það hefur enginn logið svona fallega að mér áður:-)

FRAMTAK!!!!

2005-12-10T11:13:00.000-08:00

Ég hvet alla til að kíkja inn á www.eoe.is og taka þátt í frábæru framtaki.
Mig langar að biðja drenginn að giftast mér:-)

koffín í æð

2005-12-07T11:38:00.000-08:00

Lofaði sjálfri mér að drekka hvorki kaffi né kók á kvöldin þrátt fyrir próflestur. Tókst ekki betur en svo að einn plús er kominn í hóp svikinna loforða, damn. Minn vanalegi 6 tíma svefn er kominn niður 5 tíma takk fyrir!!! Samkvæmt heilsusálfræðinni hefur fólk sem sefur færri en 6 tíma allt að 70% hærri dauðatíðni en þeir sem sofa 7 til 8 tíma og að sjálfsögðu kemur svefnskortur niður á einbeitingu fólks(sem er kannski ástæðan fyrir að ég er að blogga í staðinn fyrir að lesa:-(
Eitt að lokum.
Hvers vegna má ekki lengur tala um svertingja sem svarta og hvítt fólk sem hvítt fólk? Í bókinni sem ég er að lesa er talað um Afrísk Ameríska og Evrópsk Ameríska ogsfr. Svartur maður sem flytur frá Frakklandi til Ameríku og hefur kannski aldrei á ævinni komið til Afríku er samt Afrísk Amerískur. Mér finnst þetta óþarfa málalengingar.
Vá hvað ég er í miklu tuðskapi..., farin að lesa,,
Kveðja frá einni evrópsk íslenskri.

Mótþróaþrjóskuröskun

2005-12-07T01:19:00.000-08:00

Opositional defiant disorder= mótþróaþrjóskuröskun....
..... er í hópi hegðunarraskana hjá börnum.
Einkenni;

Missir oft stjórn á skapi sínu
Rífst oft við fullorðna
Neitar að hlýða beiðnum eða reglum
Reynir viljandi að pirra aðra
Kennir öðrum um mistök sín og misgjörðir
Er viðkvæmt og pirrast auðveldlega
Er reitt og gramt
Illgjarn eða hefnigjarnt

Má ekki alveg eins kalla þessa röskun FREKJU??

Meatspin!!

2005-12-03T05:09:00.000-08:00

Jæja gott fólk nú er búið að opna fyrir öll komment, þökk sé þér Rúna mín.. Þannig að endilega tjáið ykkur:-)
Annars lenti ég í ansi skondnu atviki í gær. Ég er í síma, sjónvarps og blaðabanni þessa dagana svo ég geti einbeitt mér að lestrinum(gengur samt misvel). Allavega í gær sat ég og horfði á Idol ásamt góðu fólki með tölvuna á hnjánum, svona til að minnka samviskubitið yfir að vera ekki lesa. Eitthvað fór lítið fyrir tölvuglósum og í staðinn hékk ég á ýmsum síðum. Á Mamito síðunni var bent á www.meatspin.com. Nema hvað í sakleysi mínu opna ég þessa síðu og guð minn góður ha ha ha ha. Það versta er að ég var með hljóðið á hæsta þannig að síðan vakti óhjákvæmilega athygli nærstaddra. Mér leið eins og versta öfugugga. Vara viðkvæma við að þetta myndbrot hverfur ekki svo auðveldlega úr huganum!!
Svo ætla ég að vera voða dugleg og setja hlekki og eitthvað meira inn á síðuna um jólin.

Er Vala Matt þensluhvetjandi....

2005-12-01T03:22:00.000-08:00

..... Spyr Velvakandi.
Ekki ætla ég að dæma um hversu mikil áhrif Vala Matt hefur á Kaupæði landans. En þessi grein mynti mig samt á Veggjakrot sem ég sá eitt sinn niðri bæ. "Ljóðið" var eitthvað á þessa vegu:

Ég sannfæri fólk um að kaupa hluti
sem ekkert gagn er af
sem það á ekki pening fyrir
til að ganga í augun á öðru fólki
sem er alveg sama.
Vala Matt.

Mér finnst þetta umhugsunarvert en dæmi hver fyrir sig.
Svona að lokum þá er komið nýtt fótanuddtæki, á aðeins 35.oookr.
Ætli margar geymslur verði 35 þúsund krónum ríkari eftir jólin í ár?

Kata Lisa

2005-11-27T13:03:00.000-08:00

Breska listakonan Stella Vine málaði mynd eftir ljósmyndinni sem sýndi Kate Moss undirbúa snjósnorkið fræga. Málverkið er sýnt í galleríi í London. Stella þessi segir að það sé dirfska í augum kate og líkir henni við Monu Lisu. Er augndirfska Moss eitthvað annað en alkunna einkenni kókaín vímu? kannski hefur Monan barasta verið útúrreykt á því fræga málverki. Greyið Kate að láta góma sig. Maður ætti kannski að mála mynd eftir ljósmyndinni af Bubba sem gerði allt vitlaust í sumar. Nei annars ég teikna illa óla prik, og vil ekki lögsókn þannig að ég læt það eiga sig.
Snjókorn falla, á allt og alla, börnin snorka og skemmta sér, tralla lalla,.......

Spegill, Spegill...

2005-11-26T05:01:00.000-08:00

.... herm þú mér af hverju í ósköpunum úrslitin í Herra Ísland voru eins og þau voru? Þvílík vonbrigði, ég hef greinilega eitthvað undarlegan smekk á karlmönnum. Hinsvegar finnst mér strákurinn sem komst áfram í Idolinu í gær algjör dúlla. Perrinn ég kaus hann áfram:-)

Þægilega dofin!!

2005-11-24T09:25:00.000-08:00

Ég einfaldlega elska comfortable numb með pinkurunum. Flottasta gítarsóló sem ég hef heyrt, og djúpur texti. Annað lag á repeat er Baby im gona leave you með Zeppelin. Skrítið hvað tónlistarsmekkur breytist með aldrinum. Hlusta til dæmis reglulega á Bach, Beethoven og Mozart, ef svoleiðis liggur á mér. Hinsvegar er ein tegund tónlistar sem ég get ekki skilið að fólk nenni á hlusta á, Ópera. Kannski þarf ég 20 ár í viðbót til að kunna að meta hana en í dag hreyfir hún ekki við mér.
Allavega ég skal ná næstu tónleikum með Dúndurfréttum!!!

???

2005-11-23T03:08:00.000-08:00

Ekki hægt að opna deild vegna manneklu!!
Hvernig væri nú að reyna manna deildir þeirra sjúkrahúsa sem þegar eru starfandi í stað þess að ráðast í byggingu á nýju sjúkrahúsi. Það er lítið gagn af hátæknisjúkrahúsi án starfsfólks. Menn eru ansi glaðir að spara tíkalla en spreða þúsundköllum.

Fatal attraction !!

2005-11-23T02:50:00.000-08:00

Í ljósi umfjöllunar siðustu daga má segja að orðtakið" Oft er flagð undir fögru skinni"eigi nokkurn rétt á sér. Svo bíður aukin greind gjarnan hættunni heim!!!
Ég fæ hroll.

Leti!!!

2005-11-20T12:03:00.000-08:00

Er að fara á fund í World Class á morgun í annað skipti síðan stöðin opnaði í Laugum. Nokkrir fastagestir koma þar saman og ræða hvað megi betur fara. Hef æft í WC í 8 ár en undanfarið hef ég verið alveg einstaklega löt, fer kannski á mánudegi og læt það duga út vikuna. Auk þess reyni ég að vera eins fljót og ég get, 20 mínútna sprikl, teygjur og út. Bara alveg hætt að nenna þessu. Samt er staðurinn þvílíkt flottur og vel hægt að hugsa sér að eyða heilum degi þarna í dekri. Ég held að málið sé að mig vantar einhverja áskorun, eitthvað markmið, ekki bara lyfta lóðum eins og heilalaus hálfviti. Er eiginlega ennþá fúl yfir að Bjössi vildi ekki skvass-sal í Laugum. Þegar ég lít til baka þá var skvassið í raun það eina sem mér fannst virkilega skemmtilegt þegar ég fór í ræktina. Það var áskorun og útrás að tapa fyrir öðrum, ég gat allavega lamið þá með spaðanum. Og markmiðið var auðvitað að verða betri og lemja fastar næst. Það verður að viðurkennast að hlaupabretti, stigvélar og róðurtæki hafa lítið skemmtanagildi:-(
Reyndar er eitt við Laugar sem mér finnst ókostur, allt er svo STÓRT, stórir gangar, stór brjóst, stór salur, stór brjóst, stór brjóst, stór brjóst, stór brjóst!!!! Það örlar nú á smá minnimáttarkennd, kannski að ég ætti að biðja um afslátt þar sem mín brjóst taka minna pláss!! Svona eins og að borga fyrir barnasæti í flugvélum;-)
Ég ætla allavega að halda áfram að væla um skvass-sal.

EINHORN.

2005-11-16T07:12:00.000-08:00

Ef þið rekist á RISABÓLU á leiðum ykkar í dag, verið óhrædd, því sjá andlit mitt er þar að baki.
Ég er eins og fokking Einhyrningur, er að hugsa um að ganga með poka á hausnum næstu daga;-)
Einhorn, Svana, Einhorn, Svana, Einhorn.............

OG Þess má geta.......

2005-11-14T10:07:00.000-08:00

....að nánast var fullt tungl um helgina. Svo hljóðaði lokasetning í grein Morgunblaðsins sem fjallaði um ölvun í miðborginni og eril hjá lögreglu. Skýrir fullt tungl á einhvern hátt að 6 voru teknir fyrir ölvunarakstur og að lögreglan þurfti að hafa afskipti að svo og svo mörgu fólki???? Hvað um allar hinar helgarnar þegar EKKI var fullt tungl og annir lögreglunnar voru engu minni???
Kannski hafa lögreglumenn og eða blaðamenn horft einum of oft á Thriller.

Þetta er svona smá vangavelta í tilefni þess að ég var í prófi í skýringum á hegðun í dag;-)

Próf, próf og aftur próf

2005-11-11T13:04:00.000-08:00

Ef það er eitthvað leiðinlegra en próf á laugardegi þá er það próf á mánudegi. Talandi um glataða helgi!!!! Langar að sofna og vakna aftur 14 des.

Major=Meirháttar

2005-11-07T02:05:00.000-08:00

Ég er að lesa um lyndisraskanir í klínunni, þunglyndi, maniu ogfl. Finnst algjör snilld hvernig kennarinn sem annars er ótrúlega indæll, þýðir Major depression. Major depression er alvarlegasta tegund þunglyndis en fær heitið Meiri háttar þunglyndi. Hér skítur pínu skökku við enda almenn hugmynd að eitthvað sem erMeiriháttar sé frábært, æðislegt, gaman og gott. Hann hefur þetta reyndar í tveimur orðum en samt. Væri ekki betra að tala um djúpt þunglyndi?
Gaman að þessu.
Annars fór helgin í allt annað en lestur og ég er að deyja úr samviskubiti yfir kæruleysinu. Var að passa krílin hennar Risu á föstudagskvöldið, fór að vinna á laugardaginn og í þrítugsafmæli um kvöldið. Skottan var ansi svört enda var bollan bara góð. Sunnudagur til svefns var svo þemað í gær. Shame on me!!!

D kosningar

2005-11-03T06:29:00.000-08:00

Það er verst að ekki er hægt að kjósa alla frambjóðendur í prófkjöri Sjálfstæðisflokksins, ef svo væri raunin hlyti Reykjvíkurborg að verða utopia. Mogginn í dag er stútfullur af aðsendum greinum þar sem keppst er um ná til sem flestra þjóðfélagshópa með fjölbreyttum loforðum. Verum góð við gamlingja, föðmum fatlaða, gleðjum geðsjúka, eflum umferðöryggi, elskum náttúruna... Vilhjálmur trompar og býður fram borg án biðlista. Annað hvort eru R listamenn virkilega vondir(að hjálpa ekki bágstöddum) eða þá að sjálfstæðismenn luma á földum fjarsjóði. Fyndnastar finnst mér samt auglýsingarnar hjá Gísla Marteini. Hann virðist halda (og vonandi hefur hann rangt fyrir sér) að fólk skimi yfir stuðningsaðila hans og ákveði á grundvelli þeirra að kjósa hann. Ég ætla sko að kjósa Gísla Martein af því að Eiður Smári kýs hann eða kannski ég kjósi hann úr því að fallega og fræga fólkið ætlar að kjósa hann. Það hlýtur að vita hvað góður borgarstjóri þarf að bera. Með fullri virðingu fyrir stuðningsmönnum Gísla, þá er þetta frekar yfirborðskennd auglýsingatækni.
En ég hlakka samt til kosninganna:-)

Happy Nation

2005-11-02T05:36:00.000-08:00

Danir eru víst hamingjusamasta þjóð í heimi og Íslendingar fylgja fast á eftir. Hvað er það annars við Ísland sem gerir okkur svona afskaplega hamingjusöm? Er það skammdegið, kuldinn, Vöruverðið, drykkjumenningin, íslenska sjónvarpsdagskráin, lífsgæðakapphlaupið, öfundin, slúðrið, einokunin, hrútspungarnir, klíkuskapurinn, bláu augun.. eða hvað?? Varla skýrir íslenska vatnið alla hamingjuna, þó sundferð sé góð fyrir geðheilsuna). Danir hafa allavega lagkager með flödeskum.
Vona að rannsakendur hafi tekið tillit til þjóðarnotkunar á þunglyndislyfjum, lifi Prozac.

Forspá

2005-10-31T07:30:00.000-08:00

In 1895, Lord Kelvin, president of the Royal Society in England, said,"Heavier-than-air flying machines are impossible"
In 1929, Irving Fisher, professor of economics at Yale, said, " Stocks have reached what looks like a permanently high plateau
In 1958, Thomas., J. Watson the chairman of I.B.M said, " I think there is a world market for about five computers."

Kannski ættu menn bara að einbeita sér að núinu í staðinn fyrir að rýna of langt inn í framtíðina;-)

Auglýsingapési

2005-10-28T05:54:00.000-07:00

Ég er mjög þakklát fyrir að fá Fréttablaðið frítt inn um lúguna hjá mér, en verð að lýsa vonbrigðum með óhóflegar auglýsingar að undanförnu. Það er ekki eins og maður hafi allan tíma í heimi til að fletta blöðunum,(mínútan er dýrmæt á morgnana) og þegar hver heilsíðuauglýsingin á fætur annarri kemur við flettingu er blaðinu einfaldlega hent í tunnuna. Fréttablaðsmenn ættu að taka Birtu til fyrirmyndar hún setur allan auglýsingapakkann aftast. (Kannski ekki besta auglýsingatæknin). Annars var ég að fletta Mogganum áðan og gat ekki annað en hlegið að athugasemd eldri borgara varðandi nýja útlitið á veðurfréttum sjónvarpsins. Viðkomandi finnst of hratt farið yfir og saknar þess að sjá aldrei hitamælingar á Grænlandi!!! Ótrúlegt hvað fólk getur verið vanafast, engu má breyta. Það varð víst líka uppi fótur og fit þegar Mogginn tók Ferdinand út úr teiknimyndasögunum. Held meira segja að til sé íslenskur Ferdinand aðdáendaklúbbur, meðlimir mótmæltu allir.
Svona að lokum þá er Landsbankinnn að bjóða pabba til London á morgun á fótboltaleik. Ætli ég fái að fara með ef ég færi viðskipti mín til þeirra?? Fengi örugglega bara dagatal eða bauk:-(

Krúsing

2005-10-27T11:01:00.000-07:00

Ég er aldrei eins dugleg að krúsa á netinu eins og þegar ég á að vera lesa undir próf, merkilegur andskoti. Er til dæmis búin að bóka ferð til Köben eftir prófin, velja hótel og alles, Jibbý. Annars situr þetta blessaða lAUGARDAGspróf eitthvað í mér. Ég er með tengil á heimasíðu kennslubókarinnar þar sem hægt er að æfa sig á krossaprófi úr hverjum kafla. Eini gallinn við þessi próf er að þau kanna bara þekkingu nemenda á námsefninu, en slík er ekki alltaf raunin í krossaprófum HÍ. Ef prófin í Bandaríkjunum eru eitthvað í líkingu við þessi netpróf er engin furða að íslenskir námsmenn standi sig almennt vel þegar þeir fara utan. Það er ekkert verið að flækja hlutina, annað hvort kanntu efnið eða ekki. Hinsvegar býst ég við hinu versta á laugardaginn og við lesturinn reyni ég að sjá fyrir hvernig kennarinn gæti snúið út úr þessu og hinu.
Svona til gamans þá fjallar einn kaflinn um kynlífsraskanir, þó þær séu auðvitað ekkert gamanmál þá finnst mér þetta case study pínu fyndið:
"Philip likes shoes- women's black patent leather shoes, to be exact. He has hundreds of pairs, which he keeps in a special room in his house. Many nights, he goes to that room, undresses partially og totally, and lies amid the shoes as he masturbates. He reaches orgasm quickly and experiences a deep sense of sexual pleasure"

Ég fór bara hugsa um svipinn á Sála þegar viðkomandi lýsti þessu fyrir honum.

AAAAAtjÚUUU

2005-10-23T09:21:00.000-07:00

SnEEEEEEEEZZZZZZEEEEE. Ekki nóg með að ég hafi verið veik meiripartinn af síðustu viku heldur er ég svo kvefuð, að fólkið í vinnunni hafði ekki í sér að kvarta(mikið) við mig. Ein elskuleg kona benti mér á að fara heim og leggjast upp í rúm. Var semsagt að koma heim og er síðustu vinnuhelginni þar með lokið, allavega í bili. Eftir veikindin er ég eftir á í lestri og það er mjög erfitt að byrja læra eftir að hafa talað í símann stanslaust í 6 tíma. Klukkutímatörn skal það verða og svo sæng upp í sófa og DVD.
Vonandi verð ég betri á morgun svo ég geti þrammað niður á Ingólfstorg.

MMMM Formaðurinn

2005-10-20T12:01:00.000-07:00

Bara varð að koma ummm inu frá mér, en ég sit núna og er að horfa á Sigurstein Másson í Íslandi í Dag. Sigursteinn er ekki einungis fjallmyndarlegur heldur kemur hann vel fyrir, talar skýrt og skorinort, og hefur með eindæmum fallegt bros.
Sigursteinn er THE Formaðurinn.
Vil líka benda á greinina sem Sigrún Sælfræðiskvís skrifaði í Morgunblaðið í dag. Sjálfsagt hafa flestir hryllt sig yfir frásögn hafnfirsku systranna í Tímariti Mbl. Eins og eins og Sigrún bendir á er ótrúlegt að slíkur viðbjóður hafi verið látin viðgangast beint fyrir framan nefið á Pétri og Páli.
Sigrún og Sigursteinn fá því bæði hrós fyrir vel unnið dagsverk.

Ups and downs in the family

2005-10-20T03:14:00.000-07:00

Jamm það er óhætt að segja að ástandið í fjölskyldunni hafi ekki verið upp á marga fiska þessa vikuna. Gamanið byrjaði í síðustu viku þegar Íris sys kom með familíuna sína í fararbroddi sem lagðist öll í ælupest og hita(skemmtilegir gestir). Ég prísaði mig sæla fyrir að sleppa við ósköpin, enda tek ég samviskusamlega vítamín og Omega 3 , duleg delpa. Eftir 2 daga var allt heimilisfólkið komið með þessa ógeðslegu pest, hitinn hjá mér fór upp í 39,5 gott fólk og ég lýg því ekki að ég hélt að hausinn á mér myndi springa. Í sólarhring fór ekkert inn í likama minn nema stöku stílar, ok too much information, ég veit, vil bara að þið takið þátt í þjáningu minni. Allt sem fór niður fór annað hvort upp aftur eða barði á bakdyrnar OJJJJ. Smitberarnir hafa haldið heim á leið en Íris systir hringir reglulega til að spyrja hvort þeim sé fyrirgefið, hmmm????? Við skulum bara segja að jólagjafirnar okkar þurfi að vera veglegar þetta árið;-)

Fuglaflensan.

2005-10-17T10:07:00.000-07:00

Ég er að hugsa um að flytjast á Norðurpólinn, það koma örugglega engir farfuglar þangað, eða hvað????

Spari spari spari

2005-10-15T09:15:00.000-07:00

Fá borgarbúar aldrei leið á kringlunni? Kom við í Hagkaup í morgun á leiðinni í vinnuna(kl 10.30) OG ÞURFTI AÐ LEITA AÐ BÍLASTÆÐI. Vonandi tekst einhverjum að SPARA á kringlukasti, þó sparnaðurinn yrði örugglega meiri ef það sleppti því að fara.

Ísland, besta land í heimi?

2005-10-14T12:58:00.000-07:00

Er að lesa um áfallastreituröskun( Posttraumatic Stress Disorder(PTSD)) í klínískri Sálfræði. Svona fyrir leikmenn þá er áfallastreituröskun flokkur einkenna sem sumt fólk upplifir eftir að hafa lent í einhverskonar áfalli(bílslysi, fellibyl, stríði, pyntingu, nauðgun, etc). Í bókinni er umfjöllun um flóttamenn stríðshrjáðra landa og hörmungarnar sem þeir upplifa. Eftir þennan lestur þakka ég fyrir að búa á litlu vernduðu skeri. Kannski er 'Island besta land í heimi.